影片
更多
2011-07-12
51 浏览
我系港岛人，好少去荃湾行街或者食饭。上星期六刚好有朋友生日，就去左呢间刚刚开张既火锅店食饭。本来唔想去，大热天时食火锅真系比埋条命你。不过朋友生日，无计啦！去到的时候，只系7:30pm左右，以经见到舖头里面差唔多坐满人，而且重有人排繄队等位添，心想，系唔系咁好食呀?!门口位姐姐好有笑容同埋好有礼貌咁带我地入去预先订左位既table，首先先赞下D装修先，系出面睇，一D都唔似火锅店，因为好得意，有卡位㖞，而且D卡位重好大张㖞，大肚腩都坐得落！地方好光猛，好简洁，又唔迫，D颜色又靓，紫色架！跟位带我地入位果位姐姐又好心机咁介绍D饮野比我地，佢地既"足料"竹蔗水同酸梅汤真系几好饮，唔太甜。当我地唔知叫乜食之际，大家就周围望下其他table既人食繄乜啦，奇景啰，张张table 都系食繄鸡煲，而傍边就有好打边炉既食物。咁我地咪乜都唔理，叫左只鸡煲先啰！我就怕食太辣既野，所以叫左半只微辣既。店员姐姐都话，先食个鸡煲先，然后先叫火锅料。个鸡煲黎到，一打开个煲盖，香到不得了，但D颜色就好似差D咁，原来要用慢火慢慢庆住黎食先会越食越好味的！初初我都觉得辣既程度都可以接受，但会越食越辣架！食到差唔多就开始点
去到的时候，只系7:30pm左右，以经见到舖头里面差唔多坐满人，而且重有人排繄队等位添，心想，系唔系咁好食呀?!
门口位姐姐好有笑容同埋好有礼貌咁带我地入去预先订左位既table，首先先赞下D装修先，系出面睇，一D都唔似火锅店，因为好得意，有卡位㖞，而且D卡位重好大张㖞，大肚腩都坐得落！地方好光猛，好简洁，又唔迫，D颜色又靓，紫色架！
跟位带我地入位果位姐姐又好心机咁介绍D饮野比我地，佢地既"足料"竹蔗水同酸梅汤真系几好饮，唔太甜。当我地唔知叫乜食之际，大家就周围望下其他table既人食繄乜啦，奇景啰，张张table 都系食繄鸡煲，而傍边就有好打边炉既食物。
咁我地咪乜都唔理，叫左只鸡煲先啰！我就怕食太辣既野，所以叫左半只微辣既。店员姐姐都话，先食个鸡煲先，然后先叫火锅料。
个鸡煲黎到，一打开个煲盖，香到不得了，但D颜色就好似差D咁，原来要用慢火慢慢庆住黎食先会越食越好味的！初初我都觉得辣既程度都可以接受，但会越食越辣架！
食到差唔多就开始点其他野食啦，我地就用番呢煲鸡煲既汁加清汤做火锅既汤底啦！
火锅点少得 "牛肉"呢!
呢只牛肉好食㖞，价钱又唔贵！
呢个炸腐皮卷都好好食㖞，即叫即炸架，又唔油㖞，我地食完再叫多一个！另外我觉得几出色既就系手打虾滑同墨鱼滑呢，好多地方都有墨鱼滑，但虾滑就唔系度度都有得食，呢两只滑都好弹口，又系即叫即打既。
不过，如果用个鸡煲黎打边炉真系有点油，下次用火锅既汤底黎打边炉应该唔错。
整体黎讲，一间新开既火锅店，本人就非常满意啦！大家可以试下。
张贴
