Vici Stage

营业中

休息中

琴日同屋企人同埋朋友去咗依间餐厅食饭，初时睇佢表面系一间酒吧，以为食物应该一般，之后睇一睇餐牌，发现佢有多款唔同国家嘅食物，但以泰国为主既菜式比较多，之后我地叫左几个𩠌，重有Mocktail同cocktail，当中有几个𩠌我比较难忘，首先系，佢个香煎带子大虾泰式田园沙律，呢个沙律，好有泰式风味，佢酸酸地辣辣地非常开胃，仲有新鲜嘅带子同好爽嘅大虾加上佢用嘅菜非常新鲜，好爽甜，之后要介绍系焦糖蒜香牛柳粒，呢个牛柳粒除咗有蒜香嘅味道之外，仲每一粒包住焦糖，食落甜甜地，味道非常得意，最后想介绍下佢个新鲜蟹肉蟹膏意大利饭，呢个意大利饭简直就系极品，蟹肉蟹膏丰富，而且蟹肉非常新鲜，蟹膏同蟹肉包住每一粒饭，我感觉鲜味十足，讲得出呢间系间酒吧，当然唔可以唔介绍下佢d野饮，我饮果杯系用冬瓜茶同青柠调制而成嘅cocktail，呢杯cocktail有好浓青柠味，但酒味唔太浓，再有小小冬瓜茶既味道，令我饮完有置身台湾饮冬瓜茶既感觉，呢杯cocktail非常特别，整体而言，呢间餐厅，环境昏暗，嘢食一流， 嘢饮够特别创新，实在岩哂想饮野倾计加食饭嘅朋友们，顺带一提，佢有水烟提供，更加适合想食水烟嘅人去。