樓下冰室 (已結業)

呢日经过荃湾见到有间冰室用蕃茄汤嚟做主题， 由于个仔钟意食蕃茄汤既关系， 所以我就走去睇下， 门口见佢嘅招牌推介仲有瑞士鸡翼， 同埋厚切牛乳炒蛋三文治， 由于我哋早去，大概六点左右去到所以唔使排队。特色蕃茄浓汤螺丝粉配牛乳炒蛋套餐跟咗德国肠同埋瑞士鸡髀， 瑞士鸡髀好入味， 鸡髀嘅肉质幼嫩滑， 保持到肉汁。 肉肠有四款， 由芝士肠 ，早餐肠 ，辣嘅珍宝肠同埋唔辣嘅珍宝肠， 到个蕃茄汤螺丝粉， 蕃茄汤底够香浓， 似系自己用蕃茄肴汤。吉列猪扒配厚切牛乳炒蛋三文治套餐跟咗个薯仔沙律， 个厚切牛乳三文治几揼本 我谂呢度大概有三只蛋左右， 蛋味几香， 加咗牛乳有少少creamy嘅感觉， 吉列猪扒炸得够脆身， 够入味，唔会好干。 吉列猪扒饭同另外个餐都一样块猪扒都系炸得够脆身， 猪扒都几大块差唔多有成半只碟咁大。麻辣脆鸡粒鸡粒炸得都几脆， 以炸嘅小食嚟讲呢只鸡粒嘅麻辣味都算几出。