波仔

营业中

休息中

由细食到大嘅叮叮饭品牌，相信大家都唔陌生，佢哋最近喺荃湾开咗个全新热食档，有多款港式街头小食、蒸饭、炖汤、仲有特色饮品供应，店内环境几大，五个雪柜连同站立枱，堂食或外卖都得。熟食有经典嘅烧卖鱼蛋、茶叶蛋、粉粿、鲜竹卷、珍珠鸡、便利店炸物等。私心推介虾饺，六大粒，皮薄馅靓、猪肉烧卖比较少见，猪肉味香浓，咬落弹牙，大人小朋友都钟意，几值得买。粉面饭食咗香辣猪肉炒河同咖喱牛腩饭，前者面条软硬度适中，酱汁够多，足以捞面、咖喱香浓惹味，牛腩份量唔少而且啖啖肉，饭软糯可口，配咖喱食唔觉唔觉就食晒。差唔多到端午节，所以要咗个咸肉糭。入面有原只蛋黄，饭够糯，咸香美味，会encore。章鱼合掌瓜炖汤好足料，饮落暖味，无味精感觉养生。抹茶虎坚果燕麦奶嘅茶同奶味几balance，唔想饮废水嘅呢款都系个唔错嘅选择。