影片
更多
2024-08-16
7942 浏览
呢排迷上咗泰式火锅 所以呢晚揾咗荃湾嘅呢间火锅放题 叫咗佢哋嘅B餐 有鸡煲同火锅90分钟任食😎泰•初夏之鸡煲本来以为系先食鸡煲 后打边炉嘅呢一种火锅😮 点知原来系打边炉以外 有份泰式嘅鸡煲🐥 我哋嗌咗小辣 呢一个鸡煲同坊间嘅鸡煲有啲分别 用上咗泰式嘅香料 令到个鸡煲更有风味锅底唔驶加钱都可以嗌鸳鸯锅 沙嗲汤底 一上碟已经闻到花生嘅香味 沙嗲味道唔错👍🏻 椰汁鸡汤底 呢一个相对清啲 但系几有泰国特色肉类呢个套餐包括精选牛板腱 澳洲250日谷饲卡乐beef 牛胸爽 西班牙栗饲豚肉片 同埋酒嫩鸡件 共五款肉类🍖 个人就最钟意精选牛板腱 牛味香浓 肉质又有咬口自助吧基本嘅火锅丸类同埋蔬菜都有 当中牛丸系比较有惊喜 入面会爆汁🥰 除咗炸鱼皮 响铃 炸虾片之外 仲有个炸物嘅小食区 当中炸鸡翼都系好有水准㗎🤣 仲有啲泰式凤爪等等嘅泰式小食可以拎小食沙嗲串烧 有猪牛鸡三款选择 我哋三款都试咗 沙嗲酱嘅味道香浓🍡 泰式猪手 炭烧猪颈肉 两款都系必食之选 同坊间泰国菜嘅质素无异🐷 可以任食真系好正 仲有炸鱼饼 炸墨鱼丸同埋炸牛丸 全部小食落单后并凑成一个小食拼盘都唔错😌饮品饮品都系落单后即叫即冲 我哋试咗
呢排迷上咗泰式火锅 所以呢晚揾咗荃湾嘅呢间火锅放题 叫咗佢哋嘅B餐 有鸡煲同火锅90分钟任食😎
泰•初夏之鸡煲
本来以为系先食鸡煲 后打边炉嘅呢一种火锅😮 点知原来系打边炉以外 有份泰式嘅鸡煲🐥 我哋嗌咗小辣 呢一个鸡煲同坊间嘅鸡煲有啲分别 用上咗泰式嘅香料 令到个鸡煲更有风味
锅底
唔驶加钱都可以嗌鸳鸯锅 沙嗲汤底 一上碟已经闻到花生嘅香味 沙嗲味道唔错👍🏻 椰汁鸡汤底 呢一个相对清啲 但系几有泰国特色
肉类
呢个套餐包括精选牛板腱 澳洲250日谷饲卡乐beef 牛胸爽 西班牙栗饲豚肉片 同埋酒嫩鸡件 共五款肉类🍖 个人就最钟意精选牛板腱 牛味香浓 肉质又有咬口
自助吧
基本嘅火锅丸类同埋蔬菜都有 当中牛丸系比较有惊喜 入面会爆汁🥰 除咗炸鱼皮 响铃 炸虾片之外 仲有个炸物嘅小食区 当中炸鸡翼都系好有水准㗎🤣 仲有啲泰式凤爪等等嘅泰式小食可以拎
小食沙嗲串烧 有猪牛鸡三款选择 我哋三款都试咗 沙嗲酱嘅味道香浓🍡 泰式猪手 炭烧猪颈肉 两款都系必食之选 同坊间泰国菜嘅质素无异🐷 可以任食真系好正 仲有炸鱼饼 炸墨鱼丸同埋炸牛丸 全部小食落单后并凑成一个小食拼盘都唔错😌
饮品
饮品都系落单后即叫即冲 我哋试咗泰式奶茶 柠檬芦荟绿茶 港式啲嘅冻柠茶同埋奶茶都有😗 几钟意佢个泰式奶茶 虽然冇特别再嗌少甜 但系都唔系好甜👍🏻 饮返两杯都似去咗泰国
甜品
自助区有泰式甜品 椰汁千层糕同埋椰汁西米糕可以选择 两款都好高质🫢 仲有西式甜品 提拉米苏同芝士蛋糕🍰 另外仲有个雪糕柜 本地品牌嘅雪糕 同埋水果味嘅雪条都有好多口味🍦
呢间火锅放题几有泰式风情 由汤底 小食 甜品到饮品都有泰式嘅选择🤩 真系瞬间去到泰国咁啊
张贴
