篤篤船麵 (荃灣千色匯) (已結業)

朋友话好耐冇食过泰国野，同埋好挂住系泰国食过既船面，咁岩我地系荃湾见到有间泰式餐厅主打系船面，咁我地就入左去试下，可能时间都比较早，店入面都冇乜人，唔洗等位真系太好啦，但到我地食到一半既时候望返差唔多满座，原来都几多人帮衬。打开餐牌拣野食啦，见到都有好多款面，小食可以拣，真系花多眼乱。我地就叫左一个前菜，一个小食，两碗面同两杯饮品。同朋友倾多一阵计，食物好快就到，"慢煮牛柳浓汤船面"好大阵黑椒味既香气瓢入鼻入面，香浓既牛骨汤底配金边粉系一个唔错既配合，而猪肉丸亦十分弹牙同多汁，加埋九层塔同辣椒令到碗面既味道更添色彩。"泰色式咸蛋木爪沙律"木瓜咬口爽脆味道清甜，加左酱汁同其他配料，酸酸甜甜有少少辣，爽口开胃。"泰式卤水猪手船面"猪手味道入味而且好有骨胶原，仲大大件好多旧TIM抵食。"四式拼盘"有春卷、庶虾、鱼饼、虾饼，每款小食都有两件 上桌时热度足够，虾饼庶虾非常弹牙，鱼饼带辣 带点香茅味，春卷脆口大件 ，加埋泰色甜辣酱，完全满足到我食炸野既需求。"青柠梳打"正正常常，不过不失。"泰式奶茶"我就冇试到，朋友就话比一毬饮开既港式奶茶较甜。