川燒王

营业中

休息中

今次嚟到荃湾，口痕食完晚饭想揾d串烧食下，行下行下见到呢间川烧王，唔知系咪同我之前几间相似，一于又入去试试x第n次🤪🌟汁烧火箭鱿鱼筒 $78只🌟鱿鱼筒成只碟咁大，又可以食到鱿鱼须又可以食到鱿鱼筒，口感烧得啱啱好，唔会太韧，加埋味粉食仲惹味🌟烧韮菜 $15串🌟韮菜好长好大份，上面晒满孜然粉，好惹味，食落既有蔬菜嘅鲜味又有香料味道，唔会互相抢味，食完又想要食🌟原只田鸡烧🌟田鸡真系成只上，啖啖肉，肉质都几爽口，个人钟意食田鸡腿腿肉，特别有质感，落埋孜然粉食仲够味，而且都几夹🌟烧菠萝 $22/3块🌟烧菠萝真系我去每间都要叫嘅串烧，咬落去一样都好爽甜多，好似饮紧成口菠萝汁咁正咁清新🌟烧原条秋刀鱼 $65/2条🌟秋刀鱼都几大条，个外皮烧得香脆，入面嘅鱼肉都够结实，唔会一食就散晒，唔错🌟盐烧大海虾 $45/2只🌟上次系第二间试过大海虾，真系好大只，呢次见有盐烧更加想试下。照旧都系会试埋个虾头，食到系非常浓郁嘅虾膏味，加埋盐烧下虾肉味仲出左，虾肉都几爽口