品川日本料理 (已結業)

讲到放题嘅话， 好多人可能都谂起旺角d放题，不过其实荃湾都有好食嘅放题嫁！坐落系荃湾海之恋商场嘅品川，就系其中一间相当有水准嘅日式放题。餐厅采用天然采光，用落地玻璃，可以望到荃湾嘅海景。讲返野食先，我最中意嘅就系烧牛舌，火候恰到好处，外焦内脆，肉汁锁住晒，非常juicy！另外，推介嘅系泡菜煮豚肉，有d食紧韩式部队锅咁感觉，几特别。至于刺身，以三文鱼同带子最岀色，不过如果可以厚切d就好啦。唔好以为，放系岀面拎嘅野就系质素比较差啦，入面有d急冻虾几好食。野饮方面都几多选择，有啤酒茶同汽水，同埋清酒，朋友话都几好饮，我自己少饮野，就无试到。总体黎讲，三百几蚊嘅放题，算系中上水平，加上有无敌海景，真系值得一试！