影片
更多
2011-11-02
43 浏览
得知荃湾如心广场开咗间热狗专门店，第一时间走去试吓。舖面唔大，但非常光猛，非常干净，设备唔算多，但都颇齐全，有铁板、电磁炉、炸炉等等。系右手边，摆放咗一个甜品雪柜，但系入面摆嘅，并非甜品，系一枝一枝嘅细樽装可乐，摆满成个雪柜，我呢个可乐迷见到，当然开心。系可乐柜嘅右边，系一个好细嘅角落，好多人都会用紧摆杂物，但系呢个店主则颇有心思，贴咗一幅纽约街头嘅黑白墙画，拉阔咗呢个空间嘅感觉，系墙画入面嘅街灯上，贴上自己舖头嘅logo --- DOWN TOWN，黑底黄字，有标示作用之余，又不会太突出，与墙画非常衬，再加上吊灯嘅角度与高度，刚刚照射到大厦嘅屋顶，颇有心思；系墙画嘅前面，则摆放咗一张白色小吧枱，再加两张黑色吧櫈，一黑一白，与整体怖局匹配，的确系一个唔错嘅布置，亦可以让客人有个宁静嘅角落，细意品尝店内美食。食物选择唔算多，主力当然系热狗，简单讲，有三款饱和六款肠；有经典热狗饱、芝麻黑椒脆饱及德式小麦饱；肠方面，有四款猪肉肠和两款鸡肉肠，猪肉肠有波兰烟肠、德式猪肉肠、车打芝士猪肉肠和墨西哥辣椒芝士肠，鸡肉肠则有烤蒜鸡肉肠及苹果鸡肉肠；除此之外，仲有费城芝士牛肉狗；全部都是$28，不过店主
舖面唔大，但非常光猛，非常干净，设备唔算多，但都颇齐全，有铁板、电磁炉、炸炉等等。
系右手边，摆放咗一个甜品雪柜，但系入面摆嘅，并非甜品，系一枝一枝嘅细樽装可乐，摆满成个雪柜，我呢个可乐迷见到，当然开心。
系可乐柜嘅右边，系一个好细嘅角落，好多人都会用紧摆杂物，但系呢个店主则颇有心思，贴咗一幅纽约街头嘅黑白墙画，拉阔咗呢个空间嘅感觉，系墙画入面嘅街灯上，贴上自己舖头嘅logo --- DOWN TOWN，黑底黄字，有标示作用之余，又不会太突出，与墙画非常衬，再加上吊灯嘅角度与高度，刚刚照射到大厦嘅屋顶，颇有心思；系墙画嘅前面，则摆放咗一张白色小吧枱，再加两张黑色吧櫈，一黑一白，与整体怖局匹配，的确系一个唔错嘅布置，亦可以让客人有个宁静嘅角落，细意品尝店内美食。
食物选择唔算多，主力当然系热狗，简单讲，有三款饱和六款肠；有经典热狗饱、芝麻黑椒脆饱及德式小麦饱；肠方面，有四款猪肉肠和两款鸡肉肠，猪肉肠有波兰烟肠、德式猪肉肠、车打芝士猪肉肠和墨西哥辣椒芝士肠，鸡肉肠则有烤蒜鸡肉肠及苹果鸡肉肠；除此之外，仲有费城芝士牛肉狗；全部都是$28，不过店主话费城芝士牛肉狗原价系$32，不过依家特价，所以一样系$28；既然特价，当然要先试，叫咗一客费城芝士牛肉狗，再加多个墨西哥辣椒芝士肠，饱方面，芝士牛肉狗跟芝麻黑椒脆饱，辣椒芝士肠就跟经典热狗饱。
另外加$11，可配薯条和汽水，散叫薯条都要$12一份，所以我就拣咗加一份。
至于芥末酱，有四款选择，全部都系自家调制，有Down Town芥辣、英式芥辣、蜜糖芥辣和香甜芥酱；店主话Down Town芥辣，辣中带酸；英式芥辣，就最辣；蜜糖芥辣，系少辣；香甜芥酱，就唔辣，系甜嘅；我拣咗微辣嘅蜜糖芥辣。
店内三人，当我确认咗order后，一人烤面饱，一人泡洋葱，好细心咁帮我准备午餐；面饱轻轻烤热后，涂上少少牛油，将预早处理好嘅烤牛肉及芝士放入饱内，再放上泡香嘅洋葱，最后唧上蜜糖芥辣，完成了。正当我等待午餐之际，见到有一箩洋葱放系厨房入面，系一箩好大个嘅洋葱，起码比我哋平时系街市见到嘅大一半，好吸引。
返到office，第一时间打开𠮶盒费城芝士牛肉狗，见到都吸引，好丰富，牛肉嘅份量绝对唔少，洋葱、芝士、芥辣铺满系牛肉上面，填满整个饱，虽然个饱唔系好长𠮶只，但都有五至六吋长，系中size；面饱系芝麻黑椒脆饱，饱面洒满芝麻，有少许芝麻香，亦见饱身有点点黑色，相信系黑椒，哈哈，但系食唔到黑椒味，至于脆饱是否脆呢？哈哈，答案系唔脆，但饱皮唔韧，唔会有齿唔开嘅感觉，质地软熟，唔太松，但与烤牛肉合衬。至于烤牛肉，ok啦，至少食入口，唔会有冻冰冰嘅感觉，但牛肉味略淡，不过可能系洋葱、芝士与芥辣味过浓所致；洋葱泡过，香味突出，但有d过火，唔够爽，可以改善；芝士与芥辣，味道亦浓郁，惹味，特别系呢只蜜糖芥辣，好香，少少抢鼻，唔强烈，几好；整体上呢个费城芝士牛肉狗，系有水准，唔错。
食完呢个芝士牛肉狗，已经半饱，再试呢个墨西哥辣椒芝士肠热狗，相比之下，份量少了一截，哈哈，观感上冇咁彭澎湃；面饱系典型嘅猪仔饱，软熟，但咬感反而及不上芝麻黑椒脆饱，而且呢个饱冇芝士，由于刚刚食咗个芝士牛肉狗，所以觉得若有所失；辣椒芝士肠，微辣，芝士味唔浓，亦唔觉脆皮，有d失色。
以同一价钱来说，呢只芝士牛肉狗，肯定抵食过墨西哥辣椒芝士肠热狗，不过差点忘记原来面饱系可以自由选择、自由配搭嘅。至于薯条，洒上盐，但唔太咸，适中；薯条系连皮炸，因为平时少食，唔知坊间嘅薯条专门店是否都系连皮炸，不过食入口，又唔觉有问题，唔觉有层皮，ok啦，而且薯仔味道亦够香，只可惜唔够热，可能攞到返公司，又影相，又等我食埋𠮶两个饱，所以冻咗，下次要趁热食。
两个饱，每个$28，再加一份薯条和汽水$11，合共$67，唔平，但可以接受啦。张贴
