牛極 (大河道) (已結業)

疫情下成日喺屋企煮真系煮到好闷，决定同老公岀去食餐饭透下气 .. 平时好少喺屋企食扒，经过见到依间可以汤，饭同沙律任添，价钱相宜所以吸引我地入去☺️餐厅第一印象都卫生，点餐基本上系自助型式！首先喺门口自助售卖机拣餐, 价钱依份量决定☺️ 再岀去自助吧装洋葱牛肉汤，胡椒粉辣辣地好开胃，白饭可以加紫菜粉，仲有酱汁沙律。眼见岀面沙律菜夹哂会立刻refill，应该都keep住新鲜！拣左牛肩扒同牛柳😛 肉端岀来热石上面仲系半生嘅，想要几熟自己控制啦！建议先砌一半，另一半留返下一转慢慢烧，因为块肉熟得好快会食唔切架 😌我觉得肉本身都鲜重牛味加少少盐已够味！作为女仔拣细份量都够食，依个价钱都值得嘅