越男仔 (已結業)

嚟到大坝街嘅越男仔，餐牌上有好多唔同越南菜式嘅选择，饭、檬粉、汤河同小食应有尽有，而且晚餐仲有优惠，可以叫主菜之后，再跟餐加配小食同饮品🥤，够晒丰富。 ✨火辣蒜椒鸡扒拼脆猪肉捞檬平时食捞檬多数都系得一种配搭，今晚可以试下叫双拼啦～虽然餐牌上面有只辣椒仔🌶️，但只系鸡扒上面有少少🤏辣酱，唔算好辣，蒜椒鸡扒惹味香口，加上脆猪肉一粒粒脆卜卜，都唔错㗎！而且捞檬嘅份量都好大碗，口感爽滑弹牙，配埋鱼露甜酸汁，酸酸甜甜，非常醒胃。✨越式虾饼跟餐仲可以配搭唔同嘅小食，有鸡翼、春卷、蒜蓉包等等。我就拣咗加配虾饼，虾饼新鲜炸起，酥脆又唔油腻。✨咸柠七🍋仲有我钟意嘅咸柠七，咸柠檬加梳打水呢个组合，消暑又解渴！