Ideas Dessert (已結業)

同女朋友係荃灣行完街食完飯後，覺得個肚意猶未盡，就黎到荃貴街搵甜品食。我地去左一間甜品小店 Ideas Dessert度食。入到去，店員好熱心咁招呼我地，好細心介紹店舖有咩特色甜品。個度有軟雪糕，中式糖水(如蛋白杏仁露)，港式糖水(如楊枝甘露)，西式甜品(如窩夫)，刨冰，沙冰，芭菲等等，種類繁多。最尾我地都係選左top10之一的伯爵茶心太軟配楓糖糖漿 (HKD 60)同埋Ideas 芒果窩夫 (HKD 58)。另外，再追加左芋圓 (HKD 6)，焙茶水晶 (HKD 6)，芒果粒 (HKD 8)同哈蜜瓜粒 (HKD 8)。兩樣甜品賣相都好靚，亦都配有3.6 牛奶軟雪糕，口感非常軟滑。 窩夫(有3塊) 口感鬆化而且有濃厚既伯爵茶味，配埋新鮮鮮甜既生果粒真係味道一流。而個心太軟，熱哄哄的，內裏好'流心' 正。個焙茶水晶食落去有茶味同口感比較爽，而個芋圓相對口感煙韌。