明豐粉麵廠 (已結業)

好耐无买啦！虽然荃湾人都知香车街街市附近有好几间名物，但基于位置考虑同时间问题，好难话去就去。今次就本来想食另一间，见无开就顺便买盒饺返去。莲藕鸡肉饺，系盒面唔会见到依个名，因为款式不定期更新，除咗基本款之外都唔一定次次有，当然仲要睇卖哂未，虽然材料对面街市会一直帮佢补货，但都要时间处理，加上存货少到接近次次去都要等即包，其实真系唔得闲。荃湾饺子好多都好大只，依间都唔细，对上过年买仲出现过巨无霸，因为原创人李太早已唔见佢包，近年见佢都系后仓出嚟，应该只负责馅料，始终馅料质素一直都保持到，但包法就次次唔同，今次个皮感觉就厚咗，唔知同包法有无关，但味道真系好，材料处理细致，真系食唔出系鸡肉！但都要讲句，其实佢系粉面厂。