影片
更多
2023-09-10
547 浏览
唔讲唔知荃湾都有高质日式料理。今日近近地就去一试究竟。餐厅系新开嘅Plaza88地面，都几隐蔽。穿过简约嘅黑色正门，入面大厅楼底极高，有一个八角形嘅寿司吧，旁边仲有VIP房，比起其他寿司店装修非常之唔同。餐牌好简单除咗一啲𩠌酒小食之外，只有三个set，「和」、「音」、「弦」。今次就试有18道菜嘅「弦」「弦」由七个部份组成1. 茶碗蒸加入三重县海苔及南非鲍鱼嘅茶碗蒸。第一道菜已经咁有心机。2. 前菜渍物三点，柚子萝卜、醋渍小洋葱、渍老萝卜。主要清下个口开下胃。3. 刺身 (5道)- 爱知县白松贝(象拔蚌)超新鲜，师傅拍佢一下即刻卷起，切片加少少青柠皮同酱油。- 熟成石垣鲷配醋渍水云爽口嘅石垣鲷经熟成会更淋，配醋渍水云，比较清爽。- 花咲蟹赶到5-8月花咲蟹季节嘅尾班车，蟹脚上边用蟹膏调味，纯正嘅蟹味。- 明虾、茄子配高汤啫喱明虾鲜甜爽口。- 鹿儿岛𫚕平二食𫚕平系雌性嘅𫚕鱼杂交雄性嘅平政，𫚕鱼取其油香、平政取其爽口。一件刺身、一件网烤配辣萝卜蓉。4. 酒肴 (3道)- 甘露煮琵琶湖香鱼立秋之后正系食香鱼嘅季节，宜家鱼身入面有大量鱼春，再用甘露酱油慢煮6小时，令骨头同鱼头都变淋可食，甜香正如
餐厅系新开嘅Plaza88地面，都几隐蔽。穿过简约嘅黑色正门，入面大厅楼底极高，有一个八角形嘅寿司吧，旁边仲有VIP房，比起其他寿司店装修非常之唔同。
餐牌好简单除咗一啲𩠌酒小食之外，只有三个set，「和」、「音」、「弦」。今次就试有18道菜嘅「弦」
「弦」由七个部份组成
1. 茶碗蒸
加入三重县海苔及南非鲍鱼嘅茶碗蒸。第一道菜已经咁有心机。
2. 前菜
渍物三点，柚子萝卜、醋渍小洋葱、渍老萝卜。主要清下个口开下胃。
3. 刺身 (5道)
- 爱知县白松贝(象拔蚌)
超新鲜，师傅拍佢一下即刻卷起，切片加少少青柠皮同酱油。
- 熟成石垣鲷配醋渍水云
爽口嘅石垣鲷经熟成会更淋，配醋渍水云，比较清爽。
- 花咲蟹
赶到5-8月花咲蟹季节嘅尾班车，蟹脚上边用蟹膏调味，纯正嘅蟹味。
- 明虾、茄子配高汤啫喱
明虾鲜甜爽口。
- 鹿儿岛𫚕平二食
𫚕平系雌性嘅𫚕鱼杂交雄性嘅平政，𫚕鱼取其油香、平政取其爽口。一件刺身、一件网烤配辣萝卜蓉。
4. 酒肴 (3道)
- 甘露煮琵琶湖香鱼
立秋之后正系食香鱼嘅季节，宜家鱼身入面有大量鱼春，再用甘露酱油慢煮6小时，令骨头同鱼头都变淋可食，甜香正如𩠌酒。
- 松茸、银杏
秋之味嘅松茸、银杏，秋天必食。
- 稻草烟熏䲠鱼(马鲛)
稻草烟熏又系秋之味，䲠鱼半生熟又有熏香，加入芽葱平衡返。
5. 寿司 (8道)
- 熟成伊佐木
清鲜爽口，舍利空气感十足。
- 梭子鱼配柚子胡椒
少许油香，柚子胡椒再带嚟清新。
- 牡丹虾配自炼虾油
牡丹虾唔配烧虾膏，改配自炼虾油，更加清甜。
- 酱油渍赤身夹紫苏叶丝
开始浓味，加入紫苏叶减少浓味。
- 网烧熟成大拖蛇腹
蛇腹多筋，但系熟成之后都好柔软，网烧逼出油香。
- 二重鲛鲽(右口)夹四季红
火炙右口鱼裙边用四季红夹生右口鱼身。二重口感。
- 三文鱼籽
自家腌制三文鱼籽特别甜鲜。
- 北海道柊流海胆
新开箱北海道白海胆，非常之Creamy，最浓味系佢。
6. 吸物
自家制浓鱼汤。
每日鲜鱼熬制，鲜浓味甜
7. 甜品/生果
猫眼提子&熊本县赤肉蜜瓜
猫眼系香印同麝香嘅混种，非常之好味，蜜瓜都好甜，叫做甜品都冇问题。
张贴
