影片
更多
2022-10-19
335 浏览
被誉为米线之都嘅荃湾，真系周街都系米线嘅食店呀！今次嚟到呢间位于荃昌中心嘅新贵香园，虽然名气唔算大，但就有唔少荃湾在地人推介，绝对系街坊先识得食嘅米线呀！望住个menu发现，汤底竟然有呢一款…椒盐腐皮角腐皮角即叫即炸，够晒香脆，加上椒盐吊味，非常惹味。而且椒盐腐皮角原来内有干坤，入面酿满墨鱼肉，非常爽口弹牙。川味黄金皮蛋呢个皮蛋好得意，我都系第一次见透明嘅皮蛋。每个蛋黄都系流心，仲可以拣辣度，带有麻香，好惹味！鸡翼、猪红、猪颈肉沙嗲米线望住个menu，竟然见到沙嗲汤底，唔洗谂，即叫！沙嗲汤底非常浓郁，食嘅时候，米线非常挂汤，辣度可以自己拣，我就叫咗小小辣！鸡翼同猪颈肉都好香口，而猪红都非常入味，口感一流，整体份量都几多。腩肉、酸菜麻辣红薯粉叫红薯粉就一定要配麻辣汤底，佢哋真系最夹嘅代表呀！呢度嘅红薯粉仲有得拣粗或幼，追求口感嘅就梗系要拣粗红薯粉啦！配菜方面，我就特登拣咗酸菜，中和一吓麻辣汤底嘅刺激；至于腩肉完全唔肥，啱晒唔钟意食肥猪肉嘅爱靓A姐！
椒盐腐皮角
腐皮角即叫即炸，够晒香脆，加上椒盐吊味，非常惹味。而且椒盐腐皮角原来内有干坤，入面酿满墨鱼肉，非常爽口弹牙。
川味黄金皮蛋
呢个皮蛋好得意，我都系第一次见透明嘅皮蛋。每个蛋黄都系流心，仲可以拣辣度，带有麻香，好惹味！
鸡翼、猪红、猪颈肉沙嗲米线
望住个menu，竟然见到沙嗲汤底，唔洗谂，即叫！沙嗲汤底非常浓郁，食嘅时候，米线非常挂汤，辣度可以自己拣，我就叫咗小小辣！鸡翼同猪颈肉都好香口，而猪红都非常入味，口感一流，整体份量都几多。
腩肉、酸菜麻辣红薯粉
叫红薯粉就一定要配麻辣汤底，佢哋真系最夹嘅代表呀！呢度嘅红薯粉仲有得拣粗或幼，追求口感嘅就梗系要拣粗红薯粉啦！配菜方面，我就特登拣咗酸菜，中和一吓麻辣汤底嘅刺激；至于腩肉完全唔肥，啱晒唔钟意食肥猪肉嘅爱靓A姐！
张贴
