川風味

营业中

休息中

呢间应该系我最常食嘅米线，因为近屋企，叫外卖都几快送到，而且味道👌🏻，特别系佢嘅腐乳通菜😊佢唔算好浓味果种过桥米线（对我黎讲享和街肥仔米线、德华街成日排长龙两间叫浓味），汤嘅酸同辣味都唔会太强烈，米线同薯粉弹牙、份量都多，有时都惊食唔哂会叫少粉。不过好唔好味仲要睇下你拣咩𩠌，佢供应嘅𩠌菜选择几多，除左一般果啲，仲有吉列鱼柳、猪扒😀已经搞唔清楚系四川风味定系四洲风味🇯🇵而我多数拣嘅都系冬菇、萝卜、豆卜之类，即系好难由此食得出师傅煮得好唔好果种。我觉得如果你突然想食酸辣嘢又唔想太肥腻、又又咁啱喺附近，可以试下，反正你如果唔系荃湾人，你特登过黎荃湾都系想食我地出哂名多嘅米线嫁啦😉🤫油菜份量同样几多，特别推介腐乳通菜，个酱调得好味😋蚝油生菜都唔错，啲菜唔会好干。