影片
更多
2018-08-16
901 浏览
工作、工作、再工作, 原来成21:30, 大家肚仔打鼓打到隆隆声了, 有老板请, 食餐好的, 除咗 citywalk 外, 荃湾的美食地图己伸延到杨屋道街市附近的翻新商场, 全栋几乎都系新食店, 今晚食11楼的福丸, 贪佢开到零晨12点, 仲有大把时间慢慢倾。餐牌食物跟一般日式餐厅差不多, 寿司、刺身、烧物、酒类……最正系呢十数款不同口味的生啤！桃味乳酸饮品今晚有啲累, 有啲眼瞓, 饮埋酒我惊即刻瞓得著, 所以弃酒改饮乳酸, 呢杯乳酸桃味好浓, 杯底仲有桃肉粒, 味道天然不化学, 酸咪咪, 够冰凉, 好提神。肚仔饿, 唔使急, 最紧要快大前提下, 每人一set 是日厨师发板（Omakase）好了, 是日厨师推介餐单, 不时不食, 经理话餐单刺身寿司每天有所不同。前菜五点盛合**秋葵鲜淮山啫哩好清淡, 滑浖浖嘅啫哩状透明物体, 加埋带点黏性质地又爽口嘅鲜淮山条及秋葵, 口感都几特别, 滑潺潺**红酒酸桥头 ~ 红酒味唔太浓, 酸劲十足, 食完即刻醒晒。**酱渍蒜头 ~ 口感爽口, 蒜味随和, 唔辛辣, 腌酱好似系由酱油、鱼溶及小虾发酵而成, 食到鱼溶及小虾的咸香。刺身x 5**蜜柑雕 ~
餐牌食物跟一般日式餐厅差不多, 寿司、刺身、烧物、酒类……最正系呢十数款不同口味的生啤！
桃味乳酸饮品
今晚有啲累, 有啲眼瞓, 饮埋酒我惊即刻瞓得著, 所以弃酒改饮乳酸, 呢杯乳酸桃味好浓, 杯底仲有桃肉粒, 味道天然不化学, 酸咪咪, 够冰凉, 好提神。
肚仔饿, 唔使急, 最紧要快大前提下, 每人一set 是日厨师发板（Omakase）好了, 是日厨师推介餐单, 不时不食, 经理话餐单刺身寿司每天有所不同。
前菜五点盛合
**秋葵鲜淮山啫哩好清淡, 滑浖浖嘅啫哩状透明物体, 加埋带点黏性质地又爽口嘅鲜淮山条及秋葵, 口感都几特别, 滑潺潺
**红酒酸桥头 ~ 红酒味唔太浓, 酸劲十足, 食完即刻醒晒。
**酱渍蒜头 ~ 口感爽口, 蒜味随和, 唔辛辣, 腌酱好似系由酱油、鱼溶及小虾发酵而成, 食到鱼溶及小虾的咸香。
刺身x 5
**蜜柑雕 ~ 肉质柔滑, 味道甘甜, 新鲜没鱼腥, 可不拈酱油净食。
**深海池鱼 ~ 油性颇重, 但爽口, 鱼味较浓, 拈芥末酱油食较佳。
**赤座虾 ~ 第一次食, 虾肉清而甜, 口感微爽。
**带子 ~ 够厚身, 微爽, 可惜甜鲜度有所不足。
**拖罗 ~ 斎睇都够肥美了, 入口油甘嫩滑, 拈几滴酱油食最原味。
寿司x 3
**金目鲷 ~ 鱼肉嫩红, 肉质爽脆甜美。
**石垣贝 ~ 爽甜
**穴子 ~ 穴子即海鳗, 个子细小, 肉质偏结实爽甜, 加埋寿司饭嘅烟韧, 几好赵。
寿司饭以赤醋捞, 好清淡, 每旧寿司饭已经放了少许芥末在内。
铁板烧 ~ 西班牙红虾
上台热辣辣, 香气极似龙虾膏, 附芝士薄脆。
红虾汁极香浓, 味道真系好似浓版龙虾汤, 红虾够大只, 虾肉有三大嚿, 爽甜脆口
虾头的虾膏甘香软滑, 整体真系好似食紧龙虾。
煮物 ~ 鲍鱼葛煮
葛煮即系萝卜, 以淡酱油煮, 好清淡, 鲍鱼够大只, 鲍味够, 个人对呢个煮法麻麻地, 味道唔讨好, 冰震拈酱油食可取。
烧物 ~ 活鳗鱼米茄子烧
鳗鱼即烧, 扫上香甜鳗鱼酱, 烧得皮脆脆的, 好香口, 鳗鱼肉轻油版, 油份不多, 较干身, 鱼味都浓啲, 虽则话唔系好滑口, 胜在较健康, 低部的茄子软腍, 吸晒啲鳗鱼, 好好味。
浜烧x 2
白松露黄金甲罗烧 ~ 蟹盖内放满蟹膏、蟹肉、白松露、鹌鹑蛋、葱花及蟹籽, 仲有一件牛油。
将烧好后的蟹盖捞混才吃, 蟹籽口感爆脆, 蟹膏甘香, 蟹肉充满浓浓的海水咸鲜, 白松露清香, 还有鹌鹑蛋的滑溜, 配上烧得脆脆的多士, 好幸福的感觉。
**内紫贝
加淡酱油及味啉烧, 食时带少许酒香, 贝片几新鲜, 也爽口, 不过粒带子就over 烧左, 有点韧。
食事 ~ 和牛炒饭
食到呢度.....其实肚子 very full 了, 但见到呢碗香喷喷嘅和牛炒饭, 珍珠米饭粒粒分明圆润, 好似在叫.....咬我啦、咬我啦, 我就咬你.....几口咁多啦, 珍珠饭炒得好干身, 仲有大量和牛粒及鲜冬菇粒, 又香又爽口, 加埋烟韧饭粒, 好味
甜品 ~ 日本粟米
吓！呢个甜品又几搞鬼㖞, 日本粟米bb雪冰冻, 又嫩、又甜又多汁, 不过甜品我都系想食日本雪糕多啲。
张贴
