67
16
19
等级3
55
0
2023-05-04 100 浏览
老公话好耐无食过,带我去,我未食过,佢就食过荃湾𠮶间我叫咗姜汁鲜牛肉米粉、熟蛋、油多、热朱古力老公叫咗大满足火腿奄列、油多、豉油皇鸡髀、冻柠茶姜汁鲜牛肉米粉个汤唔够姜汁,但姜丝唔算老,食哂就好够姜鲜牛肉够滑,有一旧筋位,但唔会腌到一阵梳打粉咁,呢一点加分熟蛋正常,油多真心唔错,少少唔够脆,但块包好食,牛油够多杯热朱古力香到隔住口罩都闻到,劲香,但系个人口感甜咗少少,可能我问题,最近唔受得太甜大满足火腿奄列第一次上枱,我老公话咁细份嘅,一啲都唔似荃湾𠮶份,于是问下楼面,佢话佢都觉得细份咗啲,于是帮我哋换过一份第二份上枱大份啲,但老公话都系细份过荃湾𠮶份中间仲有蛋汁,劲多火腿,都真系几满足豉油皇鸡髀超超超超超级入味,连啲骨都炆到深啡色,又腍,好食👍🏻最后出咗门口再去包档买咗两个包、一个蛋挞蛋挞正常水准,$6个,我未必会再食芝士拉丝包个芝士馅好正,$10值得比。紫薯麻薯拉丝包偏甜,食唔到咩紫薯,系个包几好食。中间个麻薯馅无紫薯嘅,系得一条唔太拉到丝嘅麻薯😅同芝士包比,我拣芝士包🤣总结,啲包唔错,嘢食都叫做有水准,但再帮衬我应该会去荃湾𠮶间😅
老公话好耐无食过,带我去,我未食过,佢就食过荃湾𠮶间
我叫咗姜汁鲜牛肉米粉、熟蛋、油多、热朱古力
老公叫咗大满足火腿奄列、油多、豉油皇鸡髀、冻柠茶
姜汁鲜牛肉米粉
个汤唔够姜汁,但姜丝唔算老,食哂就好够姜
鲜牛肉够滑,有一旧筋位,但唔会腌到一阵梳打粉咁,呢一点加分
熟蛋正常,油多真心唔错,少少唔够脆,但块包好食,牛油够多
杯热朱古力香到隔住口罩都闻到,劲香,但系个人口感甜咗少少,可能我问题,最近唔受得太甜
大满足火腿奄列
第一次上枱,我老公话咁细份嘅,一啲都唔似荃湾𠮶份,于是问下楼面,佢话佢都觉得细份咗啲,于是帮我哋换过一份
第二份上枱大份啲,但老公话都系细份过荃湾𠮶份
中间仲有蛋汁,劲多火腿,都真系几满足
豉油皇鸡髀
超超超超超级入味,连啲骨都炆到深啡色,又腍,好食👍🏻
最后出咗门口再去包档买咗两个包、一个蛋挞
蛋挞正常水准,$6个,我未必会再食
芝士拉丝包个芝士馅好正,$10值得比。
紫薯麻薯拉丝包偏甜,食唔到咩紫薯,系个包几好食。中间个麻薯馅无紫薯嘅,系得一条唔太拉到丝嘅麻薯😅
同芝士包比,我拣芝士包🤣
总结,啲包唔错,嘢食都叫做有水准,但再帮衬我应该会去荃湾𠮶间😅
7 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2023-05-03
用餐途径
堂食
人均消费
$80 (午餐)