嘉樂冰廳 (U PLACE) (已結業)

冰厅自1978年在荃湾开业，巨型蛋治/奄列系佢地嘅招牌菜，2019年转手后依然保持传统，出品冰厅故有的菜单之余加入新产品吸引年青顾客。转手之后一直冇梼会再去试吓。今年5月时，见到有传媒报导系土瓜环开咗新分店，见今日经开呢度就一于去见识一下。新店比起旧店大好多，仲有户外庭园位可以打下卡，入面都系用返橙色做主调。卡位墙身居然有USB差电位，好方便。同荃湾一样已经改用手机落单，已经同cafe差唔多。今次冇叫饭面，先叫一个土瓜环店限定的特厚猪扒包同一个巨型火腿奄列，再追加返新后新加的阿华田产品，包括阿华田西多士及阿华田脆脆。特厚猪排包个猪扒一D都唔柴，加上烘脆咗嘅猪仔法包，外脆内软，下次会试下厚切猪扒饭。火腿奄列加埋美极一齐食就真系大满足，阿华田西多士系花生酱西多+华田粉，阿华田脆脆就似美禄恐龙。旧区开始发展，旧有事物会慢慢消失，传统冰室有的持续经营，改善加入新元素去发展系值得支持。