影片
更多
2023-10-08
143 浏览
住荃湾嘅朋友生日去咗荃湾88广场嘅一间酒吧餐厅食晚饭，西铁站行10分钟左右就到。餐厅设有室外同室内座位， 室外座位系高枱，我坐室内卡位，座位十分阔落舒服，同朋友chill住咁饮两杯好正。餐牌嘢食好多元化，有好多特色fusion菜式，要饮两杯绝对不缺下酒菜。啤酒有happy hour & non happy hour price, 就啱happy hour时就会抵啲，我哋嚟到刚好过咗happy hour时间，美食当前加上同朋友庆生又点可以唔饮两杯呢。同朋友睇住个餐牌心大心细好多嘢想食，可惜两条友食唔到几多嘢，最后放弃咗意粉同pizza拣咗西班牙海鲜饭，饮啤酒点又可以唔拣猪手呢，另一主菜就拣咗脆皮猪手。西班牙海鲜饭海鲜饭卖相好靓，五颜六色嘅摆盘令到成件事生色不少，材料有虾、鱿鱼、蚬、青口、辣肉肠等等。米饭吸收晒海鲜鲜甜嘅汤汁，饭粒粒分明但饭粒系唔硬嘅，软硬适中。味道有浓浓海鲜味之外仲有满满嘅香草香味，味道好有层次，各种海鲜都煮得刚刚好唔会因为过熟而好韧。脆皮猪手猪手去骨碎上十分细心，同样都系份量十足，配菜有粟米、咸酸菜同薯仔沙律。猪皮炸得脆卜卜，口感似足松脆嘅烧腩仔皮，唔会太咸同太油，𩠌啤
餐厅设有室外同室内座位， 室外座位系高枱，我坐室内卡位，座位十分阔落舒服，同朋友chill住咁饮两杯好正。
餐牌嘢食好多元化，有好多特色fusion菜式，要饮两杯绝对不缺下酒菜。啤酒有happy hour & non happy hour price, 就啱happy hour时就会抵啲，我哋嚟到刚好过咗happy hour时间，美食当前加上同朋友庆生又点可以唔饮两杯呢。同朋友睇住个餐牌心大心细好多嘢想食，可惜两条友食唔到几多嘢，最后放弃咗意粉同pizza拣咗西班牙海鲜饭，饮啤酒点又可以唔拣猪手呢，另一主菜就拣咗脆皮猪手。
西班牙海鲜饭
海鲜饭卖相好靓，五颜六色嘅摆盘令到成件事生色不少，材料有虾、鱿鱼、蚬、青口、辣肉肠等等。
米饭吸收晒海鲜鲜甜嘅汤汁，饭粒粒分明但饭粒系唔硬嘅，软硬适中。味道有浓浓海鲜味之外仲有满满嘅香草香味，味道好有层次，各种海鲜都煮得刚刚好唔会因为过熟而好韧。
脆皮猪手猪手去骨碎上十分细心，同样都系份量十足，配菜有粟米、咸酸菜同薯仔沙律。猪皮炸得脆卜卜，口感似足松脆嘅烧腩仔皮，唔会太咸同太油，𩠌啤简直就系无敌。肉嘅部分好嫩滑同好入味，唔会似汤渣咁又鞋又冇味，呢只猪手值得再encore。
啤酒冰冻够气
张贴
