一起蕃

营业中

休息中

我真系好钟意蕃茄汤米线～之前都食过好几间主打蕃茄汤既米线，今次发现到呢间系荃湾路德围既一起蕃，午餐几抵食包埋支装豆浆或者冷泡茶。  1️⃣腐皮墨鱼卷鲜蕃茄汤米线（$55） 墨鱼春卷有三条，食落都弹牙好食既，不过就冇特别食到入面有墨鱼粒咁样。汤底系清甜既类型，蕃茄味唔算特别浓厚，不过饮落顺口。  2⃣️一起肉饼鲜蕃茄汤米通（$56） 肉饼都几大块，食落有肉汁，唔会煎到干身，不过略显甜味过咸。米汤中间浪住啲汤汁，食既时候啖啖都饮到汤汁～  3⃣️溏心蛋（跟餐+$6） 溏心蛋好唔错🤩真系有日本餐厅既质素。溏心程度好理想，而且入味甜甜地咁。  4⃣️盐酥大什锦（$38） 有云吞、鸡粒、蜜糖肠同埋炸鱼皮。入面盐酥鸡最好食！虽然唔系好大粒，但系炸得卜卜脆，够香。另外炸鱼皮都好唔错，浸一浸落蕃茄汤到再食又更好食😋