川燒王

营业中

休息中

荃灣依一間「川燒王」係區內嘅人氣小店，可能因為堂食位置比較少，所以都係做外賣生意多。大辣錫紙花甲粉（單點$65），好足料，花甲、金菇、生菜份量多，花甲肉質肥美，味道鮮甜，粉絲口感爽滑，湯底辣度4分。秘製麻辣煮花螺（單點$65），內有洋蔥、香蔥，花螺肉質彈牙，味道鮮甜，辣度6分。4隻雞中翼（單點$36），雞翼表面鋪滿孜然粉，肉質嫩滑，食落好香口。牛肉串（單點$28），肉味濃厚。韭菜（單點$15），味道鹹香。翠玉瓜（單點$15），食落好Juicy。竹蓆茅根（單點$16），味道清甜。