影片
更多
2024-09-02
92 浏览
真荃湾街坊大推！荃湾必食「爹仔串烧」！🔥爹仔喺荃昌中心昌宁地下，穿过𠮶堆商场再落地下就系，夜妈妈想食宵夜就去咗食爹仔，串烧即叫即烧，有唔同辣度，就算唔食得辣，但仲有秘制沙嗲酱。😍肉类嗌咗牛肉、羊肉、猪颈肉、鸡中翼，啲肉质好淋，咬落仲有肉汁，加上老板啲秘制调味，劲香口，羊肉特别香，劲好食，唔系持别臊，猪颈肉好爽口，超正！🤪内脏类嗌咗鸡肾同埋牛脷，鸡肾劲爽脆，一串都好多粒，牛脷系厚切，烧完嘅口感系淋，入口即溶嘅口感！🥳蔬菜类点唔少得我劲钟意嘅韭菜、菠萝同埋茄子！痴满味料嘅韭菜烧完之后好香口，韭菜味出晒嚟，同埋好juicy，食得好爽！菠萝都好大份，甜甜地好开胃！茄子真系原条烧，好有心机，加上有蒜蓉香，劲惹味！🤭特色食物另外仲嗌咗个炒面，好大份，最啱就系嗌啲芝士肠配嚟食，芝士肠烧完好香甜，配埋捞面嚟食一流！🤤必食！沙嗲酱！老板秘制嘅沙嗲酱，一食便知龙凤，唔同平时食𠮶啲稀稀的，爹仔𠮶啲沙嗲酱啖啖都系花生粒，非常杰身，一啲都唔腻，系非常高质嘅沙嗲酱！🤤🤤价钱今时今日做到＄15/串真系好抵食（路德围𠮶间都差唔多价钱），下次食宵夜都会再帮衬爹仔😋老板真系即叫即烧，所以等待时间差唔多15分钟，望住老板烧
爹仔喺荃昌中心昌宁地下，穿过𠮶堆商场再落地下就系，夜妈妈想食宵夜就去咗食爹仔，串烧即叫即烧，有唔同辣度，就算唔食得辣，但仲有秘制沙嗲酱。😍
肉类
嗌咗牛肉、羊肉、猪颈肉、鸡中翼，啲肉质好淋，咬落仲有肉汁，加上老板啲秘制调味，劲香口，羊肉特别香，劲好食，唔系持别臊，猪颈肉好爽口，超正！🤪
内脏类
嗌咗鸡肾同埋牛脷，鸡肾劲爽脆，一串都好多粒，牛脷系厚切，烧完嘅口感系淋，入口即溶嘅口感！🥳
蔬菜类
点唔少得我劲钟意嘅韭菜、菠萝同埋茄子！痴满味料嘅韭菜烧完之后好香口，韭菜味出晒嚟，同埋好juicy，食得好爽！菠萝都好大份，甜甜地好开胃！茄子真系原条烧，好有心机，加上有蒜蓉香，劲惹味！🤭
特色食物
另外仲嗌咗个炒面，好大份，最啱就系嗌啲芝士肠配嚟食，芝士肠烧完好香甜，配埋捞面嚟食一流！🤤
必食！沙嗲酱！
老板秘制嘅沙嗲酱，一食便知龙凤，唔同平时食𠮶啲稀稀的，爹仔𠮶啲沙嗲酱啖啖都系花生粒，非常杰身，一啲都唔腻，系非常高质嘅沙嗲酱！🤤🤤
价钱今时今日做到＄15/串真系好抵食（路德围𠮶间都差唔多价钱），下次食宵夜都会再帮衬爹仔😋
老板真系即叫即烧，所以等待时间差唔多15分钟，望住老板烧嘅过程都好冶愈！
就算天气咁热，都有客人特登堂食，系爹仔即烧即食嘅威力！！
张贴
