Thirty First of May (已結業)

成日黎荃湾食饭，总要发掘新野先唔会食黎食去果几间，今次俾我发掘左哩间新开西餐厅好正的。个人觉得哩间餐厅布置同设计喺荃湾算靓同高级，个名仲几特别，容易记住。入到餐厅俾哩2个高挂月球吸引住，好靓呀，全晚食饭都间唔中望下，我好中意月球灯。餐厅设计用左多种元素，装修得好靓。叫左哩个和牛肉眼扒2人套餐，要慰劳一下自己。前菜系三文鱼牛油果沙律，好新鲜既三文鱼，牛油果又系我favourite,所以好快清左碟沙律。餐汤拣左甘笋汤同黑松露野菌忌廉汤第一次饮甘笋汤原来系咁甜咁好味，本身抱住试下可能伏既心态，点知系咁好饮，野菌汤系意料之内既味道，较浓，野菌打成蓉都好好饮，未试过有一间餐厅系我觉得连餐包都咁好食，唔洗点沙律酱，就咁食暖暖地超正，甜甜既提子包其实食完再想食，我食埋朋友果旧。黑松露野菌意大利饭忌廉汁同芝士味突出，好香，多菇菌，意大利饭煮得岩岩好，有咬口但唔会觉得硬。M5和牛肉眼扒配薯蓉叫左7成熟，用香草将蒜油扫上肉眼上超香，只要肉新鲜真系用最简单调味就最好，7成仍煎得好嫩，正！薯蓉超大配，好滑但食唔晒，已经好饱。哩餐食得好满足，其中一赞系餐厅俾暖水客人饮，贴心服务。