Accro Coffee

营业中

休息中

元朗人气咖啡店Accro Coffee，咖啡师曾获多个大赛的奖项。   元朗咖啡店唔多，讲到黄气重兼高质嘅店，莫过于位于金城楼嘅Accro Coffee！​ 呢度嘅咖啡师曾获多个咖啡比赛大奖，而且咖啡豆都系自家烘焙，确保每杯出品嘅咖啡都尽善尽美。另外，我好钟意呢度提供唔同口味嘅咖啡，客人又可拣手冲、虹吸等方式冲煮，餐单有个长长嘅解说，钟意咖啡嘅人一定不可错过！​ 新店一样走低调文青风。  虹吸咖啡讲求原味，所以制出嚟一律系无糖无奶嘅黑咖啡。 入口即见满满嘅奖座。     今次我拣咗Rose Latte，朋友拣咗「日晒哥斯达黎加‧火凤凰庄园蓝宝石」咖啡，同埋伯爵茶窝夫。 Latte系玫瑰＋心形拉花，好细致😍​我较喜欢口感温和嘅咖啡，佢呢边嘅豆坚果味偏重，奶香味浓，超正🥰​至于蓝宝石咖啡，带清新嘅热带水果香气，口感滑润顺喉，回甘味重，整体感觉好平均。最后系伯爵茶窝夫，心形窝夫好靓，伯爵茶味好出，可惜干咗少少，无外脆内软嘅效果😩不过几钟意佢哋啲cream，好香滑，加返啲分。​ 门口简约，带工业风，非常型格。