Diff. Cafe (已結業)

临去荃湾行街之先，发掘到有间位处享和街嘅小青新cafe🌿☕️，虽然地方唔系好大，都坐得舒适，白色系装修同系街角的铺位，采光好足☀️系一个城市中享受慢活小角落! 野食同咖啡都好唔错👍🏻All day breakfast 🥞 全日早餐控人士必点！牛角包🥐酥脆够热，其他材料好丰富， 有烟肉、茄汁豆、炒蛋、炒蘑菇仲有香肠，整体都好好味。带子明太子意粉🍝带子煮得啱啱好，明太子咸香令到意粉鲜味提升，忌廉汁挂汁啱啱好，意粉硬度适中，仲加咗蟹子增加口感。特浓mocha☕️ 特浓朱古力味真系啱晒钟意饮朱古力嘅朋友，店主仲将佢拉花，成杯好靓Dirty ☕️杯Dirty冲得好好饮，系将Expresso倒入冻奶入面，唔搅匀咁饮个shot同奶分层，一饮就系两个口感层次。