影片
更多
2021-05-09
45 浏览
荃湾除咗大商场之外仲有好多好食嘅小店，今次嚟咗杨屋道依间餐厅系以猫为主题，相信唔少爱猫之人都会钟意。今次我哋叫咗两个套餐，其中一个系纽西兰肉眼扒($268)，另一个系墨鱼咀墨汁烩意大利面($158+套餐$30)，仲加多咗个水牛城鸡中翼($88)，饮品方面就叫咗冻朱古力。套餐包括面包、餐汤、饮品同沙律。餐汤系蘑菇汤，虽然唔系好杰但系饮得蘑菇嘅香味同埋鸡汤味，至于沙律就好多鸭胸，非常足料。但套餐入边最值得称赞嘅系杯冻朱古力，有别于坊间一般用朱古力粉冲。因为佢入边仲加多左忌廉饮落去感觉稠密，有种喺饮品专门店饮朱古力嘅感觉 。水牛城鸡翼就做到外脆内软，入边好多汁，而且个辣度啱啱好，如果唔够辣可以自己加Tabasco。牛扒叫咗五成熟，熟度啱啱好，食落去肉嫩多汁，而且配菜有薯蓉、椰菜、红菜头、蘑菇，份量多到可以两个人分享。但对比牛扒，墨鱼汁意粉更加出色，因为除咗份量多之外，佢嘅墨鱼咀好有咬口，意粉弹牙仲带有蒜味，即使食得比较慢，意粉都唔会太干，能够保持住湿润嘅状态。最后以一个香浓柔滑Tiramisu作为今次结尾，十分满足。
今次我哋叫咗两个套餐，其中一个系纽西兰肉眼扒($268)，另一个系墨鱼咀墨汁烩意大利面($158+套餐$30)，仲加多咗个水牛城鸡中翼($88)，饮品方面就叫咗冻朱古力。
套餐包括面包、餐汤、饮品同沙律。餐汤系蘑菇汤，虽然唔系好杰但系饮得蘑菇嘅香味同埋鸡汤味，至于沙律就好多鸭胸，非常足料。
但套餐入边最值得称赞嘅系杯冻朱古力，有别于坊间一般用朱古力粉冲。因为佢入边仲加多左忌廉饮落去感觉稠密，有种喺饮品专门店饮朱古力嘅感觉 。
水牛城鸡翼就做到外脆内软，入边好多汁，而且个辣度啱啱好，如果唔够辣可以自己加Tabasco。
牛扒叫咗五成熟，熟度啱啱好，食落去肉嫩多汁，而且配菜有薯蓉、椰菜、红菜头、蘑菇，份量多到可以两个人分享。
但对比牛扒，墨鱼汁意粉更加出色，因为除咗份量多之外，佢嘅墨鱼咀好有咬口，意粉弹牙仲带有蒜味，即使食得比较慢，意粉都唔会太干，能够保持住湿润嘅状态。
最后以一个香浓柔滑Tiramisu作为今次结尾，十分满足。
张贴
