影片
更多
2019-09-12
48 浏览
今晚就返嚟荃湾呢边力生大厦楼下地铺食越一，同朋友讲左好耐好想食越南野，终于约到一齐食！😍😍😍嚟到越一，店员安排我地坐位，成间店铺都好大，可以容纳好多客人，店铺装饰方面主要都系以绿色为主，非常贴合越南风味。好喇讲返食物方面，首先，我地叫左香叶辣肉碎生菜包$68，超喜欢食生菜包嘅我，觉得肉碎好足料好大份，仲有啲辣椒仔辣辣地好香口，唔会太辣，酸度好适中！生菜有四五块左右，食完唔够的话可再问店员refill，呢样野系非常好，如果俾著其他餐厅就要加钱refill了，呢个值得赞！第二样就系芒果软壳蟹米纸卷$62，共有四件，整个米纸卷包得好靓，摆设得好靓，佢个米纸卷入面材料非常多，有萝卜丝、粉丝、青瓜、芒果、沙律菜仲有软壳蟹，呢个米纸卷带俾我好多惊喜！芒果系完全令成件事加分！软壳蟹系刚刚炸出来！仲系脆卜卜架！食入口好fresh好多层次！酸酸甜甜正！🤤🤤🤤之后就系我最期待嘅串烧喇👅👅👅佢系有三串（分别系牛柳粒、鸡肉、猪肉）再配上沙嗲酱$38。我最中意食牛柳粒，佢唔会烧到全熟，令到肉好硬，佢食落口系入口即融好有牛味，再有串烧烤出嘅味，唔洗点个酱都已经好正！我朋友就中意食鸡肉，好嫩口好好味！串烧真系值得一
今晚就返嚟荃湾呢边力生大厦楼下地铺食越一，同朋友讲左好耐好想食越南野，终于约到一齐食！😍😍😍嚟到越一，店员安排我地坐位，成间店铺都好大，可以容纳好多客人，店铺装饰方面主要都系以绿色为主，非常贴合越南风味。
好喇讲返食物方面，首先，我地叫左香叶辣肉碎生菜包$68，超喜欢食生菜包嘅我，觉得肉碎好足料好大份，仲有啲辣椒仔辣辣地好香口，唔会太辣，酸度好适中！生菜有四五块左右，食完唔够的话可再问店员refill，呢样野系非常好，如果俾著其他餐厅就要加钱refill了，呢个值得赞！
第二样就系芒果软壳蟹米纸卷$62，共有四件，整个米纸卷包得好靓，摆设得好靓，佢个米纸卷入面材料非常多，有萝卜丝、粉丝、青瓜、芒果、沙律菜仲有软壳蟹，呢个米纸卷带俾我好多惊喜！芒果系完全令成件事加分！软壳蟹系刚刚炸出来！仲系脆卜卜架！食入口好fresh好多层次！酸酸甜甜正！🤤🤤🤤
之后就系我最期待嘅串烧喇👅👅👅佢系有三串（分别系牛柳粒、鸡肉、猪肉）再配上沙嗲酱$38。我最中意食牛柳粒，佢唔会烧到全熟，令到肉好硬，佢食落口系入口即融好有牛味，再有串烧烤出嘅味，唔洗点个酱都已经好正！我朋友就中意食鸡肉，好嫩口好好味！串烧真系值得一试！
再来就系胡椒粉丝大虾煲$88，呢个煲一嚟嘅时候，好香好重八角味！佢系用平时大排队叫啫啫鸡煲果只煲，所以耐热非常好，食到尾嘅时候都系热紧架👍🏻个大虾煲有五只大虾，每只虾都系啖啖肉好鲜甜，而虾底系铺满粉丝，朋友同我都超爱吃粉丝，仲要有汤系底，胡椒同八角味都好重，令到成个大虾煲非常入味香口！呢个价钱食到咁高质份量咁多嘅大虾煲系第二到揾唔到架喇！
最后，就系马拉盏炒通菜喇$58！马拉盏炒起菜上嚟一啲都唔咸，因为其他餐厅好容易会食到好咸，但越一嘅炒通菜一啲都唔会！好野味好香口！仲要份量好多！好抵食！！！
饮品方面，我就叫左杯椰汁三色冰$26，其实就好似泰国嘅椰汁珍多冰咁，入面除左有好重重嘅椰汁🥥外，仲有红豆、黄豆、珍多！料好多好足，食极都仲有🤪🤪🤪最重要系好解渴！超级推荐啊！
我朋友就叫左杯鲜橙汁$28，开头我仲笑佢，你叫橙汁咪姐系果汁先生啰😂😂😂点知杯橙汁嚟到嘅时候都几大杯下，店员仲好强调真系新鲜搾出来架，同店员倾开计先知，原来呢杯橙汁用左5个新鲜橙搾出来！我地都好惊讶，边有可能啊？仲有餐厅会咁样做泄本生意？原来越一嘅老板好强调所有野都系无添加，纯天然！讲真宜家呢个时世，边会有餐厅真系咁好架😭😭😭
总结，呢间越一真心良心餐厅，所以食物都好大份仲要比其他同类嘅餐厅平10至20蚊，仲要有大大杯新鲜果汁饮添啊！嚟荃湾嘅朋友真系要嚟试下佢啊！真心真心推荐越一！😍😍😍😍😍😍
张贴
