Lucky U

营业中

休息中

Happy Friday同个老友去happy hour，由夜晚十点饮到两点先散水，吹到口水都干。因为大家都食了晚饭先去，所以叫了几款小食一齐分享，因为啤酒才是重点。我就例牌1664，朋友就饮了杯Rose garden再饮多杯白酒。墨西哥香辣牛肉芝士焗粟米片配酸忌廉、牛油梨酱及番茄沙沙：一大盘新鲜焗起，表面舖满了芝士，下面是墨西哥脆片，香脆又带芝士香，我觉得牛油梨酱同脆片味道比较夹，番茄都唔错。香辣鸡软骨：鸡软骨炸得脆口，又有咬口，送啤酒一流。杂菌牛柳粒：牛柳粒以杂菌一起炒，有些黑椒香而且牛柳粒又嫩又无筋，送返碗白饭就正啦！安格斯汉堡配幼薯条：汉堡扒有成寸厚，结实又有肉汁，有煎太阳蛋又流心，又有烟肉芝士等配料，一啖都咬唔到，幼薯热辣辣又香脆。整体小食高质，而且又唔赶客，慢慢坐到走为止。