川花烤魚

营业中

休息中

最近天气又开始变冻，系荃湾好想食暖身又辣嘅野。系荃湾广场行左一转都揾唔到岩心水嘅餐厅，一出商场门口就揾到间烤鱼，谂都冇谂就冲左入去。除左可以系餐厅入面食，仲可以坐系出面，岩哂中意呼吸新鲜空气嘅人。一入门口见装潢好新净，感觉上好似系新开嘅餐厅，小小油烟味都冇，绝对值得加分。一坐低店员就俾左个2D CODE我手机落单，可以慢慢一路谂一路点，唔驶谂好哂先同店员落单。见餐牌有比较少食到嘅𫠐鱼，就叫左一条试下。鱼冇咩骨而且肉质鲜甜同好滑又唔会俾辣盖过左鱼味。不过今次叫左中辣，比起其他嘅烤鱼店辣，如果唔食得辣嘅人，小辣已经好足够啦。除左烤鱼，另外仲叫左烧羊肉串，烧牛舌同烧鸡翼。外面有焦脆嘅口感，入面却软熟多汁，比一般嘅串烧店好食。食到一半感觉到有小小上火嘅感觉，好彩有好多下火嘅野饮叫，众里寻他择左罐加多宝下吓火今餐食得相当尽兴，唯一美中不足就系月尾口袋所剩无几，要等出粮先可以再战川花烤鱼。有兴趣系荃湾食烤鱼同串烧嘅朋友，不妨考虑下川花烤鱼，至于有咩可以食可以睇吓下面我影低嘅餐牌。