龍井 (已結業)

如果唔系搭巴士经过呢个位置都唔会留意到呢度有间餐厅！真系好耐冇食过煲仔饭！今次几有惊喜，估唔到个煲仔饭几好味，即叫即整，整到有好香既饭焦😍而且配料好多，绝对足料！好耐冇食过咁出色既煲仔饭！另外佢地既串烧都系即叫即烧，辣度可以落单既时候拣选，推介烧鸡中翼+长洲大鱼旦，酱汁好香又够惹味，仲有我钟意既孜然粉，枱面仲有辣粉可以加，串烧配埋杯啤酒更加正😂可惜今日被珍奶吸引，叫咗杯珍珠奶茶同埋黑糖珍珠鲜奶，大满足！