食味館

营业中

休息中

系荃湾工厦区内有一间CP值高嘅菜馆？！如果唔系朋友带我嚟，我一定会错过。食味馆 小菜出色又有镬气，海鲜每日送到，保证新鲜味甜🥰，部份海鲜如蟹🦀及濑尿虾🦐，最好事先预订。店内一般茶餐厅格局，座位舒适，空间感足。例汤材料有红萝卜🥕、苦瓜及猪骨，味道清甜带甘，清热解毒又有营养，最啱天暑日子饮😋。避风塘炒蟹蟹🦀拉过油后，特别香口又可锁住肉汁，混埋豆豉、葱段、炸过嘅蒜蓉🧄及辣椒粒🌶一齐大火炒，将香味辣味迫入蟹身，蟹肉鲜甜，味道香辣🌶，十分惹味😋。黄金鲜鱿用上新鲜鱿鱼🦑，质感软滑弹牙，蘸上薄薄嘅一层炸浆炸过后，外层香口松脆，带有阵阵蛋黄及咸香味，好食到停唔到口😍。蒜蓉炒通菜通菜份量多，新鲜脆嫩😍，加入蒜蓉🧄炒过后，每条菜都带有蒜香味及镬气🥰。