影片
更多
2022-05-17
57 浏览
熟悉荃湾嘅朋友一定知路德围最多嘢食，而喺呢度就有一间寿司店，初开张时都已经听闻过其他分店极具人气，价钱亲民抵食荃湾分店内有十余个座位，虽然唔大，但唔洗立食有得坐下慢慢叹都好好，坐低用qr code落单，方便快捷大呑拿鱼鲛寿司 (KAMA TORO) $68 望落个色泽亮丽，一咬啲鱼油咇晒出嚟，入口即溶，齿颊留香，好似喺日本食嘅拖罗咁新鲜！完全冇谂过香港一间价钱平民嘅寿司店可以咁有日本风味火炙大呑拿鱼腩海苔寿司 $50师傅见我咁钟意食拖罗，推介咗我食呢个火炙大呑拿鱼腩，唔洗点鼓油，已经够鲜味，烧过嘅鱼腩啲油出晒嚟，劲香，配上脆脆嘅海苔，超级满足海胆寿司盛盒 $198本人十分喜欢食海胆，但一路都觉得要喺香港食到好食唔臭嘅海胆好难，呢个寿司盛盒用上不同食材配海胆，有左口鱼、虾等等，本身嘅食材都好新鲜，海鲜有甜味唔会有怪味，绝对为食材提鲜，推介俾三五知己一齐share炸软壳蟹配山葵沙律酱 $78呢度除咗有刺身同寿司外，仲有炸物，呢个软壳蟹炸得香脆唔油腻，山葵沙律酱有微微刺激感，食完一件想再食多件萤光鱿鱼军舰 $38唔系度度都有萤光鱿鱼，呢度就有，我非常喜欢萤光鱿鱼嘅咸香味，配清酒一流。呢个萤光
荃湾分店内有十余个座位，虽然唔大，但唔洗立食有得坐下慢慢叹都好好，坐低用qr code落单，方便快捷
大呑拿鱼鲛寿司 (KAMA TORO) $68
望落个色泽亮丽，一咬啲鱼油咇晒出嚟，入口即溶，齿颊留香，好似喺日本食嘅拖罗咁新鲜！完全冇谂过香港一间价钱平民嘅寿司店可以咁有日本风味
火炙大呑拿鱼腩海苔寿司 $50
师傅见我咁钟意食拖罗，推介咗我食呢个火炙大呑拿鱼腩，唔洗点鼓油，已经够鲜味，烧过嘅鱼腩啲油出晒嚟，劲香，配上脆脆嘅海苔，超级满足
海胆寿司盛盒 $198
本人十分喜欢食海胆，但一路都觉得要喺香港食到好食唔臭嘅海胆好难，呢个寿司盛盒用上不同食材配海胆，有左口鱼、虾等等，本身嘅食材都好新鲜，海鲜有甜味唔会有怪味，绝对为食材提鲜，推介俾三五知己一齐share
炸软壳蟹配山葵沙律酱 $78
呢度除咗有刺身同寿司外，仲有炸物，呢个软壳蟹炸得香脆唔油腻，山葵沙律酱有微微刺激感，食完一件想再食多件
萤光鱿鱼军舰 $38
唔系度度都有萤光鱿鱼，呢度就有，我非常喜欢萤光鱿鱼嘅咸香味，配清酒一流。呢个萤光鱿鱼唔会死咸，配上葱花清新一下，正
牛油果寿司 $9
其实呢度都有好多平价寿司，好似呢个牛油果寿司，大大熟透嘅旧牛油果，点一点鼓油好似食紧金枪鱼咁。仲有三文鱼等嘅寿司都系$9，真心抵食
不得不提呢度嘅师傅好亲切，佢地见你钟意食乜，会推介好嘢俾你，又会睇下你食完未，再上下一道菜，每位客人离开时都会讲拜拜，好有礼貌，食物好，价钱亲民，下次一定会再帮衬
张贴
