影片
更多
2024-12-04
602 浏览
呢日嚟咗喺荃湾嘅韩国餐厅食lunch，呢间餐厅环境好明亮，有好多卡位，坐得都好舒适🤩半半炸鸡餐厅有无骨鸡同埋炸鸡选择，我哋呢次拣咗有骨嘅炸鸡，但系其实啲骨都唔算好多🐥 半半炸鸡可以选择两个口味，黄金蒜香口味外层有少少甜酱油，个蒜蓉味同炸鸡劲夹🧄 蜜味乳酪粉口味，呢个食落口嘅蜜糖味比较重，鸡皮薄，炸粉又冇乜，而且入面嘅鸡肉好Juicy。另外原来呢份炸鸡仲配有炸番薯条，所以真系好饱肚啊🙊酱猪蹄呢个酱猪蹄唔会好肥腻，猪脚嘅肉质实净，加埋又一层好薄嘅猪皮，就咁食都唔会太腻😙 另外一份本来都配有生菜，包住嚟食更加有韩式风味，仲有两款酱汁可以配搭🥬 我哋因为想食多啲菜都另外加咗一碟生菜。鲜虾沙律呢个沙律系一个好色彩缤纷嘅沙律，有齐晒生菜、洋葱、番茄、粟米同埋腰果🥗 加埋面头有苹果片、六只弹牙嘅鲜虾同埋鸡蛋，整个沙律都好令人满足。呢度嘅鲜虾真系好有鲜味，同埋大大只肉质唔错🦐八爪鱼煎饼食韩国菜唔少得嗌一份韩式煎饼，几钟意呢度嘅煎饼整得干身，真系有外脆内软嘅感觉。另外入面都系好多八爪鱼粒，食落口几有口感🦑火炙牛呢个小食上碟嘅时候以为可以就咁食，原来火炙嘅意思并唔止喺厨房制作，店员都会即席再帮忙烧香牛肉🐮
半半炸鸡
餐厅有无骨鸡同埋炸鸡选择，我哋呢次拣咗有骨嘅炸鸡，但系其实啲骨都唔算好多🐥 半半炸鸡可以选择两个口味，黄金蒜香口味外层有少少甜酱油，个蒜蓉味同炸鸡劲夹🧄 蜜味乳酪粉口味，呢个食落口嘅蜜糖味比较重，鸡皮薄，炸粉又冇乜，而且入面嘅鸡肉好Juicy。另外原来呢份炸鸡仲配有炸番薯条，所以真系好饱肚啊🙊
酱猪蹄
呢个酱猪蹄唔会好肥腻，猪脚嘅肉质实净，加埋又一层好薄嘅猪皮，就咁食都唔会太腻😙 另外一份本来都配有生菜，包住嚟食更加有韩式风味，仲有两款酱汁可以配搭🥬 我哋因为想食多啲菜都另外加咗一碟生菜。
鲜虾沙律
呢个沙律系一个好色彩缤纷嘅沙律，有齐晒生菜、洋葱、番茄、粟米同埋腰果🥗 加埋面头有苹果片、六只弹牙嘅鲜虾同埋鸡蛋，整个沙律都好令人满足。呢度嘅鲜虾真系好有鲜味，同埋大大只肉质唔错🦐
八爪鱼煎饼
食韩国菜唔少得嗌一份韩式煎饼，几钟意呢度嘅煎饼整得干身，真系有外脆内软嘅感觉。另外入面都系好多八爪鱼粒，食落口几有口感🦑
火炙牛
呢个小食上碟嘅时候以为可以就咁食，原来火炙嘅意思并唔止喺厨房制作，店员都会即席再帮忙烧香牛肉🐮 额外再烧过嘅牛肉半生熟，keep住有好多肉汁，而且每片都几厚身，都推介大家试吓呢个小食🙈
饮品
♦️蓝橙荔枝梳打
呢个蓝色嘅荔枝梳打，望落好靓呀😗 店员有温馨提示我哋要搅拌均匀先饮，整个味道都唔会太甜。
♦️零系可乐
另外朋友好钟意饮可乐，所以我哋嗌咗罐Zero饮吓。
呢度午市时段叫主餐牌会有七折优惠，所以都几抵食 。呢一餐食咗好多款特色嘢，满足晒个韩国胃啊🤤
张贴
