Yadllie Plate 야들리애플래이트 (海之戀商場)

Happy Friday想食炸鸡，于是约咗朋友去荃湾海之恋Yadllie Plate食韩国野，餐厅主打炸鸡，装修新颖，如同英国火车卡，以深色为主调，高雅又时尚。见到餐牌琳瑯满目嘅嘢食，样样都想试，我哋叫咗惊喜二重奏、鱼介汤锅、八爪鱼煎饼、卡邦尼年糕、农家鲜泡菜及两杯嘢饮，分别草莓乳酪梳打及玫瑰蜜桃果茶。惊喜二重奏分别有安格斯牛扒及炸鸡，非常大份足料，一大块牛扒及半只炸鸡。牛扒系热石上，可以一边煎一边食，生熟度由自己控制，牛扒牛味浓郁，煎到两边蕉香，配上烧烤酱，非常美味；炸鸡炸得外脆外软，非常之Juicy，唔怪得知餐厅主打炸鸡，炸得非常之好食。鱼介汤锅充满韩国街头小食嘅味道，汤锅有各式各样嘅鱼糕、年糕、豆腐、鸡蛋、新鲜蔬菜等，非常之丰富。八爪鱼煎饼八爪鱼煎饼主要有葱同八爪鱼，煎得两面非常之香脆，内里满满嘅八爪鱼，点上佢配嘅两个韩式酱料，非常之惹味。卡邦尼年糕卡邦尼年糕除咗年糕之外，仲有蛋、鱼糕同米通，卡邦尼汁非常之creamy，配上烟靭嘅年糕，令人食唔停口。农家鲜泡菜新鲜制嘅泡菜，爽脆清新。草莓乳酪梳打非常之清新，配炸鸡一流。玫瑰蜜桃果茶玫瑰配上蜜桃香甜味，清甜滋润。