田浦食肉

营业中

休息中

近排呢间烧肉多咗分店又多咗人食，心郁郁都想试下，始终都好耐冇食过正宗嘅韩国烧肉。去到都几多人食紧，成个气氛都几好，被安排到坐4人枱。我地2个人食，都唔太知应该点叫，惊叫餐又太多，散叫又好似几贵。最后叫咗一个肉嘅set再加多一个煎饼同埋两杯饮品。啲肉好快就到，店员会系你枱边帮你烧，先烧咗泡菜，五花肉同猪皮。烧嘅时候好香，但啲油系非常弹，一定要坐开一个位。五花肉烤到焦香，烤嘅时候都逼咗好多油出黎，夹埋啲配菜同菜包住食完全冇油腻嘅感觉。猪皮带少少甜味，满满骨胶原，好有咬口，平时唔食皮嘅我都停唔到口。食到差唔多就到烤牛排骨，原条骨烧再剪细块。香牛味，夹住少少油脂，都系建议用菜包住食。另外再叫咗大葱煎饼，佢比我平时食开扁身唔同，佢系厚厚的，似西班牙蛋饼。对比落虽然厚身呢个多料啲，但就唔会香脆，同埋食落都会粉一啲。