影片
更多
2023-12-07
23 浏览
前排行荃湾Donki 个阵见到同层有间装修得好型格嘅餐厅 发现原来系呢间韩国餐厅 成间餐厅好有格调 空间感亦大 好啱同一班朋友食👭🏻👬🏻半半炸鸡🐔($208)我地拣左大邱辣酱同蜜味乳酪粉炸鸡 酸甜微辣加蜜味粉呢个配搭几好 可以同时试到2款鸡 好啱贪心嘅小编 炸鸡外皮炸到超香脆 咬落啖啖都系肉 肉质都几嫩滑多汁 而且件件都好大旧 几抵食👍🏻韩式牛肉蛋卷🐮🫔 ($128)平时通常系食开明太子蛋卷 不过今次想试下新野 呢个蛋卷系包埋牛肉一齐食 本身牛肉已经调左味 有啲似瘦版嘅肥牛 食落好多汁连埋滑嫩嘅蛋卷个口感好丰富😍 淑女辣酱炒年糕🧀 ($108)淑女辣酱炒年糕即系芝士炒年糕 年糕有片装同一条条款 两款好烟靭 仲有一片片嘅鱼糕 全部都好入味 不过呢个辣味会重少少🤏🏻 唔食得辣嘅朋友可以真系要准备杯水🫣火炙牛🐮 ($98)牛肉嘅外层炙烧得恰到好处 里面仲保持住嫩滑嘅质感 每一口都系肉汁四溢 连埋大葱丝食无咁腻 不错👍🏻白切五花腩🐽 ($288)近年要健康都好少食呢啲肥腻野 但见到其他客人叫左好吸引 就忍唔住破例 个五花腩色白嫩滑 而且佢地会用个炉一路热住食 再配埋佢地特制嘅韩式大酱同虾酱 咸
半半炸鸡🐔($208)
我地拣左大邱辣酱同蜜味乳酪粉炸鸡 酸甜微辣加蜜味粉呢个配搭几好 可以同时试到2款鸡 好啱贪心嘅小编 炸鸡外皮炸到超香脆 咬落啖啖都系肉 肉质都几嫩滑多汁 而且件件都好大旧 几抵食👍🏻
韩式牛肉蛋卷🐮🫔 ($128)
平时通常系食开明太子蛋卷 不过今次想试下新野 呢个蛋卷系包埋牛肉一齐食 本身牛肉已经调左味 有啲似瘦版嘅肥牛 食落好多汁连埋滑嫩嘅蛋卷个口感好丰富😍
淑女辣酱炒年糕🧀 ($108)
淑女辣酱炒年糕即系芝士炒年糕 年糕有片装同一条条款 两款好烟靭 仲有一片片嘅鱼糕 全部都好入味 不过呢个辣味会重少少🤏🏻 唔食得辣嘅朋友可以真系要准备杯水🫣
火炙牛🐮 ($98)
牛肉嘅外层炙烧得恰到好处 里面仲保持住嫩滑嘅质感 每一口都系肉汁四溢 连埋大葱丝食无咁腻 不错👍🏻
白切五花腩🐽 ($288)
近年要健康都好少食呢啲肥腻野 但见到其他客人叫左好吸引 就忍唔住破例 个五花腩色白嫩滑 而且佢地会用个炉一路热住食 再配埋佢地特制嘅韩式大酱同虾酱 咸咸辣辣 好开胃 连埋大葱丝加生菜食 系另类嘅烧肉食法🤣
芋香沙冰🥤 ($68)
从来无谂过沙冰呢种饮法 见到已经即刻决定要叫呢杯 一黎就已经好澎湃 有一大旧cream 系沙冰上面饮落芋头味好香浓 不过比想像中无咁甜 好清爽🧊
蓝橙荔枝梳打🍹 ($48)
呢个系同样好消暑嘅饮品同解辣都一流 饮落系有淡淡荔枝同橙味 味道唔会好甜 而且系一杯色彩缤纷又爽口嘅饮品 好啱打卡💯
张贴
