李家 (海壩街)

营业中

休息中

李家系荃湾嘅一间韩国餐厅，嚟到李家就一定要食佢嘅炸鸡！今日我叫咗半只甜辣炸鸡同埋半只蜂蜜大蒜炸鸡。我就钟意食有骨嘅炸鸡，佢嘅鸡肉真系好鲜嫩，外面嘅皮炸到好酥脆，但系肉质嫩滑而且多汁。食完一件就会接住第二件。李家嘅炸鸡真系令人回味无穷，每一啖都好满足。甜辣炸鸡有一种辣辣甜甜嘅味道，好开胃。而蜂蜜大蒜炸鸡则带有蜜糖香气同大蒜嘅浓郁味道，好特别。两种口味都好好食，真系好难拣一个最爱。除咗炸鸡，我仲叫咗韩式玫瑰炒年糕。佢嘅酱汁好浓郁，令人垂涎欲滴。份量亦都好足够，够几位朋友一齐分享。年糕本身口感烟靭弹牙，同酱汁嘅结合真系好美味。食炸鸡当然要配啤酒！我估唔到呢度仲有做紧买一送一嘅hoegaarden啤酒优惠。叫左白桃味同红桑子味各一支，啤酒嘅清凉同埋果味，同炸鸡一起食，真系好过瘾。