BnR (已結業)

荃湾真系有好多好嘢食，竞争超级大，不过有时食得多热气嘢都会想食返啲养生嘅。今日去到荃湾大坝街揾嘢食，就见到呢一间主打养生花胶鸡汤汤面嘅餐厅。我哋叫咗一个药膳花胶鸡汤淮山面，个汤都好清甜，真系可以当汤咁饮面线都唔错，淮山面系比较幼身的，因为系用淮山做嘅，我谂点都会健康啲同埋特别啲～另外仲叫咗一个波波鸡饭，啲饭整成一个个波波咁好搞笑，啲饭有几香，唔知用咗啲咩令到佢有一啲独特嘅香味。啲鸡件劲滑，好似海南鸡咁样，同埋佢配嘅酱汁都好好味，好推介呢个饭。嘢饮叫咗菊花蜜同埋豆浆，菊花蜜比想像中甜，但用嚟下下火系OK～