泰玖

营业中

休息中

今日想食泰国野，拣左去香车街附近嘅泰玖，之前食过一次已经觉得唔错，今次再试下其他野食。串烧一份有三串，齐晒鸡、牛、猪，好岩两个人share，而个沙嗲酱亦都够惹味。另外叫左蚝仔煎蛋饼，冇谂过都几大份，成个pizza咁大！而蚝仔size都好跨张，每粒都好饱满好有肉，而蚝量亦都相当多，每啖都一定有一只蚝，超正！鸡卷有足足10粒，亦都炸得几香脆，唔错。佢嘅泰式鸡肉炒河相当有镬气，加左好多菜好足料，而河粉有弹性，味道就偏辣比较重手，不过都食到，几香。野饮拣左椰汁冰，味道充满椰香，偏甜但系好解辣。整体水准Keep到，下次再食过！