影片
更多
2024-07-08
64 浏览
泰Grill今次要介绍喺荃湾一间泰国菜餐厅「泰Grill」，佢哋呢间泰国菜餐厅系由泰国厨师主理，怪唔知午市都劲多人排队，因为呢间泰国菜餐厅嘅午市真系超抵食，主菜叫完必定叫小食同甜品，呢度小食同甜品平过出面好多，真系性价比好高！呢间泰国菜餐厅门口系有一级，我又系出动我块斜板嘅时候，餐厅嘅装修好简约，座位一边是系梳化，另一边系可移动嘅櫈，连枱面都可以移动，咁样先方便轮椅人士埋枱食野！1.冬阴功汤鸡肉金边粉$68+冻柠檬水$5+炸虾饼$38+椰汁糕$18（9.5/10）呢碗冬阴功汤鸡肉金边粉份量算多，冬阴功汤底酸酸辣辣好惹味，鸡肉肉质唔韧，金边粉好爽滑，而且非常挂汁，套餐加冻柠水只系$5，冻柠水系用青柠檬，再加炸虾饼只系加$38就有4大旧虾饼，虾饼弹牙，外面好香脆，最后再加个$18椰汁糕嘅甜品，椰汁糕就8旧，口感似大菜糕，上层系椰汁，下层系椰青水，甜度适中，呢个套餐超唔错！2.泰式海南鸡饭$70+珍多冰$15+春卷$18+椰汁西米露$28（8.5/10）呢碟泰式海南鸡饭个鸡件肉质比较结实，其他配菜仲有蕃茄仔同几片青瓜，我仲加咗$15要一杯珍多冰，嚟到食泰国菜一定要试珍多冰，珍多冰饮到香浓椰汁
今次要介绍喺荃湾一间泰国菜餐厅「泰Grill」，佢哋呢间泰国菜餐厅系由泰国厨师主理，怪唔知午市都劲多人排队，因为呢间泰国菜餐厅嘅午市真系超抵食，主菜叫完必定叫小食同甜品，呢度小食同甜品平过出面好多，真系性价比好高！
呢间泰国菜餐厅门口系有一级，我又系出动我块斜板嘅时候，餐厅嘅装修好简约，座位一边是系梳化，另一边系可移动嘅櫈，连枱面都可以移动，咁样先方便轮椅人士埋枱食野！
1.冬阴功汤鸡肉金边粉$68+冻柠檬水$5+炸虾饼$38+椰汁糕$18（9.5/10）
呢碗冬阴功汤鸡肉金边粉份量算多，冬阴功汤底酸酸辣辣好惹味，鸡肉肉质唔韧，金边粉好爽滑，而且非常挂汁，套餐加冻柠水只系$5，冻柠水系用青柠檬，再加炸虾饼只系加$38就有4大旧虾饼，虾饼弹牙，外面好香脆，最后再加个$18椰汁糕嘅甜品，椰汁糕就8旧，口感似大菜糕，上层系椰汁，下层系椰青水，甜度适中，呢个套餐超唔错！
2.泰式海南鸡饭$70+珍多冰$15+春卷$18+椰汁西米露$28（8.5/10）
呢碟泰式海南鸡饭个鸡件肉质比较结实，其他配菜仲有蕃茄仔同几片青瓜，我仲加咗$15要一杯珍多冰，嚟到食泰国菜一定要试珍多冰，珍多冰饮到香浓椰汁再加绿豆粉条，再加春卷只系加$18，春卷有4大旧，每一旧春卷入面个馅都系素菜，最后再加个$28椰汁西米露，一共有4旧椰汁西米露，食落食到好香浓椰汁味，仲有粟米粒、西米露同芋头粒，呢个套餐都算抵食！
3.串烧（2牛，1鸡）$48（9.5/10）
呢间叫串烧有得拣要几串猪牛鸡，我拣咗2串牛同1串鸡，其他泰国餐厅好少比人拣，呢3串串烧都烧得唔错，唔会烧到好干身，每一串串烧面头都好似搽咗蜜糖，带有少少甜，仲可以点埋泰式沙爹酱，呢个沙爹酱带少少花生酱味！
4.泰式酸辣凤爪沙律（少辣少酸）$68（9.5/10）
呢碟泰式酸辣凤爪沙律个酸辣程度啱啱好，因为点餐时可以喺apps度打备注，我叫咗小酸小辣，无骨凤爪大约都有15旧，其他配料包括有生菜、红萝卜丝、番茄仔同洋葱等，非常抵食！
2人总共价钱$366
个人口味总评分：9.25/10
@thaigrillhk
地址：荃湾享和街53号都城大楼地下E1号舖
Please follow me🙆♂️ @wheelchaireatinhongkong
如果钟意我嘅分享，麻烦请follow我，仲有记得Like同Share！🙏🏻🙇🏻♂️
#泰Grill #荃湾好去处 #荃湾美食 #thaigrill #thaigrillhk #中环泰国菜 #将军澳泰国菜 #荃湾泰国菜 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
张贴
