泰Grill (享和街)

之前喺将军澳店都试过泰Grill，今日趁喺荃湾揾朋友就预约咗再试吓，哗真系好彩有预约，冇谂过星期一都full house, 仲好多人喺门口等位，打开餐牌好多选择样样都想试，我哋拣咗最想食嘅几款🤭生虾刺身 $108上台已经哗一声，摆盘好靓😍，未食已经开心，有8大只生虾，虾肉鲜甜，配蒜头红椒点少少酸汁，味道更加清新。食完一只已经追住想食第二只，绝对值得一试！手打青咖哩牛肉 $88 蒜蓉包 $35呢个青咖哩牛肉真系好正，牛肉嫩滑，咖哩汁香浓，虽然我叫咗小辣，但都感受到一阵微辣，正好唔会太过刺激。蒜蓉包外脆内软又热辣辣，蒜香味十足，食落去好有满足感，两样简直系绝配！😋猪颈肉炒饭 $85炒饭粒粒分明，猪颈肉炒得香口，仲有啲蛋增添口感，两个人好快食晒成碟😂椰汁沙冰 $48 泰式柠水 $22椰汁沙冰味道浓郁，口感顺滑；泰式柠水酸酸甜甜，清新又消暑，配合重口味嘅泰国菜，真系好夹！夏天食真系一流！🤩出品高质，环境服务又好，食完饭出面已经劲多人等位，下次一定要再嚟试其他食物！评分：最高为5分治愈度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指数：🩺🩺🩺🩺🩺泰Grill (享和街)荃湾享和街53号