雲家小鍋米線 (328廣場)

营业中

休息中

荃湾出名多好嘢食，呢间位于沙咀道，主打多款米线，配料可按自己喜好选择，汤底有辣有唔辣。晚上到访大排长龙，需要喺出面等候一段时间，果然有名气😂 小提示：等紧嘅时候可以谂定阵间叫咩，唔使入到去先慢慢拣。除咗米线之外，呢度都有净云吞，六大粒，粒粒饱满，味道清淡，食完都几饱，值得一试。配料有好多选择，而且每个份量惊人，千祈唔好睇小佢... 例如猪软骨咁都有成四五大块，啖啖肉，反而软骨偏少、鱼肉春卷三大条，爽口弹牙，鱼味突出，真材实料，性价比高。菜嘅话可以单点或加𩠌，有冬菇、云儿、萝卜、芥兰、韭菜、芽菜等。冬菇超级无敌大粒，而且好鲜甜，一定要叫、另外萝卜都好唔错，完全无渣，吸饱汤汁，好好味道。小食都有好多款，出面比较少见。青瓜同海藻正常发挥，酱拌皮蛋就真系要食，唔会特别死咸，适合配主食。