Vici Stage

营业中

休息中

今晚同老公系荃湾揾嘢食，我就喜欢有酒饮嘅铺头，咁啱系宝石大厦对面就有一间，梗系去试下。入到去情调一流，啱晒收工去放松下，食埋饭。泡沫黑松露野菌汤$68超级浓郁黑松露味，汤底十分绵滑，入口甘香Hakuna Matata生果汁加姜啤，酸酸甜甜，唔重酒味，有热带风情，好啱女仕饮。Plum Meng's Soup睇个中文名竟然系孟婆茶！呢个7月好啱饮🤣其实佢其中一款酒系有乌龙茶沟柠檬汁、Princ no.1，外国开胃酒，带小小苦味,甜味，酸味，入口味道层次丰富，真系经历左人嘅一生，甜酸苦辣。西班牙蛋饼以辣肉肠、洋葱、香料混合蛋液翻炒而成，以巴马火腿作为点缀，惹味健康。西班牙炖猪腩肉饭整个饭用铁盘上枱，热辣辣，香气扑鼻。猪腩皮十分酥脆，肥瘦相间，肉质嫩滑，配搭埋沾满猪油嘅饭，满嘴的酥香。