鋿晶館

营业中

休息中

今日终于去咗荃湾嘅「锁晶馆」试试佢哋嘅出名点心🤤。呢度嘅师傅曾经喺日本东京嘅高级餐厅富丽华任职多年，返香港之后喺好多间米芝莲酒店同连锁酒楼集后，自立门户后开咗鋿晶馆，主打自家手作嘅点心，每样点心都系即叫即蒸，非常新鲜。今日我哋二人试咗：🍚梅菜肉饼金凤饭：好有煮家饭嘅感觉，梅菜同猪肉嘅比例完美，梅菜嘅咸香同猪肉嘅鲜味融合得啱啱好，真系一流饭伴。🍤月半弯晶莹鲜虾饺：虾饺晶莹剔透，内馅真材实料，虾肉够鲜味同弹牙，每一啖都系幸福嘅滋味。🥟黑松露北菇烧卖皇：黑松露嘅浓郁香味同烧卖嘅猪肉非常匹配，猪肉肥瘦比例适中，食落去口感爽口，超正！🍞咱家脆皮虾多士：虾多士外皮酥脆，内层铺满厚厚嘅虾肉，再加上香口嘅芝麻，真系非常特别。🥚流沙奶黄包：新鲜出炉嘅流沙奶黄包，蛋黄味浓郁，内馅咸香风味独特，面皮细致，真系好好味。🍰暖身提气姜汁糕：充满姜汁嘅香味，特别适合冬天暖身，姜汁同糕点嘅甜味完美平衡，食咗之后真系觉得好舒服。呢度嘅点心质素真系超高，每样点心都系即叫即做，材料新鲜，手工精细，加上服务态度非常亲切。下次再去荃湾，一定要再黎试多几样其他嘅点心！👍🏼