麻辣風雲 (荃碧大廈) (已結業)

相信唔少人同我哋一样，都系无辣不欢🌶🤤，食咩都要加啲辣先过瘾！今次经过荃湾就试咗呢间专食麻辣嘢嘅餐厅，最推荐系佢个酸菜鱼😍，真系食到停唔到口，钟意食麻辣嘢嘅你不妨去试吓💛.▪️酸菜鱼 $268▪️上菜时即刻试啖汤先，酸味啱啱好唔会太辣/太麻，几啱香港人口味，仲愈食愈开胃🤤！鱼肉份量都好多，食落好嫩滑、冇腥味、几乎冇骨咁济，怕骨人士都食到！配料方面都几丰富，豆卜好吸汤又够淋、酸菜同芽菜都食唔停口，仲有我哋最爱嘅莴笋😍，真系超爽口超好食！最底仲有薯粉，烟烟韧韧口感好正！▪️川味炒大蚬 $138▪️味道似平时食开嘅豉椒炒蚬，不过就加左少少辣，但都唔会盖过本身蚬嘅鲜味，食落好惹味🤤，蚬本身都处理得好好唔会有沙，抵赞👍🏻▪️炸馒头 $48▪️炸馒头系其中一个招牌菜～一嚟到好有惊喜🤣，好大只船加埋诸葛亮企咗喺船头（大家有冇听过诸葛亮发明馒头呢个故事🤪），下面仲有干冰好有仙气咁😂，打卡一流！馒头炸到好松软，热辣辣好好食，记得点多啲炼奶又可以解下辣～▪️凉拌皮蛋 $48▪️食辣嘢又点可以唔食凉拌食皮蛋呢，我哋次次都忍唔住要叫🤤，呢间啲皮蛋都系加左少少辣，好开胃！▪️鲜果百花茶 $38▪️呢个花茶加咗唔同杂果，唔会太甜，食