影片
更多
2020-06-29
468 浏览
.由于屋企人钟意饮茶，为咗支持一啲黄色小店，就选择咗附近一间点心专门店，虽然同平时集团式嘅酒楼有啲分别，但系一样可以饮个茶食个包，食完嘢吹吓水。今次去食嘅时间系夜晚，虽然唔系优惠时段，但价钱都唔算太贵。-点心嘅款式都算多选择，重点介绍几个我哋认为比较好食嘅点心～《南瓜芋丝饼》$25食落同埋个卖相都有啲似芋格，嚟到嘅时候仲系好热应该系啱啱整起。食落芋头味都几浓，但系南瓜味就冇咁出啦，而口感呢就比较实，唔会一咬落去就散晒。钟意食芋头嘅人，可以去试吓。.《鸳鸯烧卖》$25有两粒烧卖两粒牛肉球，食落同普通酒楼都差唔多，唔算好特别，不过一个点心可以满足你两个欲望都几抵试！.《脆皮虾肠粉》$32肠粉系即叫即蒸，所以肠粉皮又薄又滑，入面系米网虾春卷，食既时候都仲系好脆唔油腻。不过系叫呢个虾肠粉之前，我地叫左一个叉烧肠粉，黎到既时候都唔算热，肠粉皮都几厚同食落几硬，但胜在都几足料。要食又滑又薄既肠粉就真系要睇你好唔好彩啦。.《珍宝虾春卷》$28呢个春卷都几好食，送到黎𠮶阵时仲系好热。春卷皮好脆炸得好香外皮仲要系金黄色，入面嘅虾都好足，另外仲会有喼汁同埋沙律酱点嚟食。如果钟意食香口野嘅，不妨试吓。-👅味
.
由于屋企人钟意饮茶，为咗支持一啲黄色小店，就选择咗附近一间点心专门店，虽然同平时集团式嘅酒楼有啲分别，但系一样可以饮个茶食个包，食完嘢吹吓水。
今次去食嘅时间系夜晚，虽然唔系优惠时段，但价钱都唔算太贵。
-
点心嘅款式都算多选择，重点介绍几个我哋认为比较好食嘅点心～
《南瓜芋丝饼》$25
食落同埋个卖相都有啲似芋格，嚟到嘅时候仲系好热应该系啱啱整起。食落芋头味都几浓，但系南瓜味就冇咁出啦，而口感呢就比较实，唔会一咬落去就散晒。钟意食芋头嘅人，可以去试吓。
.
《鸳鸯烧卖》$25有两粒烧卖两粒牛肉球，食落同普通酒楼都差唔多，唔算好特别，不过一个点心可以满足你两个欲望都几抵试！
.
《脆皮虾肠粉》$32肠粉系即叫即蒸，所以肠粉皮又薄又滑，入面系米网虾春卷，食既时候都仲系好脆唔油腻。
不过系叫呢个虾肠粉之前，我地叫左一个叉烧肠粉，黎到既时候都唔算热，肠粉皮都几厚同食落几硬，但胜在都几足料。要食又滑又薄既肠粉就真系要睇你好唔好彩啦。
.
《珍宝虾春卷》$28呢个春卷都几好食，送到黎𠮶阵时仲系好热。春卷皮好脆炸得好香外皮仲要系金黄色，入面嘅虾都好足，另外仲会有喼汁同埋沙律酱点嚟食。如果钟意食香口野嘅，不妨试吓。
-
👅味道：7/10
🍱卖相：6/10
.
🏠环境：7/10
舖头入面周围都少量文宣，座位都阔落，坐落感觉都舒服唔会撞到隔离枱。
.
⭐️总评分：7/10
味道就真系唔算太特出，普通酒楼既水平，黄店黎讲，想食点心既都可以试下既。佢价钱都唔算太贵，如果系佢优惠时间食都几抵！
张贴
