龍鳳食堂

营业中

休息中

今日行完南丰纱厂，去左附近觅食，见到呢间好抵食既食堂。餐牌包括避风塘炒粉面饭、中式芝士烩饭、甜豉油滑蛋系列、香浓咖喱、各式小炒、煲仔系列、港式扒饭餐、葱油系列，仲有素食粉面。一坐低，员工就送左两碗中式例汤比我哋，系黄瓜煲排骨汤，感觉清甜，无加味精。避风塘猪扒炒公仔面：用芽菜、香葱、洋葱、猪扒和公仔面一齐炒，够晒镬气，再以大量炸蒜铺面，卖相吸引，香口惹味。粟米龙脷腩：龙脷腩啖啖肉，炸到金黄色，再将粟米蓉平均盖上面，捞饭一流。韭黄叉烧炒蛋：韭菜香喷喷，叉烧香甜，加上滑溜既炒蛋，简单又美味。红豆咖啡：原来咖啡和红豆混埋一齐既味道，效果相当夹，令我爱不释手。总结，食物味道好，份量大，出餐快，员工服务态度好，必定再回访。