冰雪公主 (已結業)

星期日同好姊妹相约到荃湾行街食饭，一向都知道荃湾一带都有好多美食，又有好多商场行街，紧系要黎走转啦，难得一齐放假，行完街见累累地，就念住是但揾间餐厅坐下，倾下计，我地两个都极爱甜品，真系天公造美，比我地行行下见到哩间位于荃湾享和街57A号都城大厦地下A舖个名叫冰雪公主既餐厅，当初仲以为系食甜品only，再望下佢既menu，原来有好多熟食同小食架，因为我地两个对脚都好累，所以就决定哩间食晚饭，我地6点左右就去食，所以唔洗等位，即刻就有位啦！其实我地都比佢个门面吸引到，餐厅名又好吸引！公主㖞，紧系要入去食下野啦!店内仲有杂志架供客人阅读，真系一个几好hea既地方，岩哂我！餐厅内仲有3个洗手间，好方便，唔洗特登出去兜出小巷去，洗手间都好干净！先叫左壶热既洛神花杞子茶饮，因为可以养颜美容，咨理血脂，女人紧系个个都想靓，而且味道仲好好，好新鲜的口感，正！我地都系韩迷同埋粉丝怪，所以就决定食哩个，味道真系好惊喜，粉丝够弹，个味道控制得好好，推介！哗，有好多木鱼丫，再加埋海鲜料，好味丫，份量都好大，真系好有韩国既味道！佢只薯条系曲型薯条，细细个劲爱，再加埋黑松露酱好香口丫，黎到个时又好够热，超正丫！