李家 (海壩街)

营业中

休息中

得闲行过荃湾又谂起呢间炸鸡，因为食完真系好难忘，味道正宗又大份，而且系香港首间由韩国人主理嘅韩式炸鸡店。原味炸鸡半只$98 拼青辣椒蛋黄酱炸鸡半只$113我哋拣嘅鸡全部都系无骨嘅，个原味都超正，啲鸡新鲜热辣辣即炸，炸粉唔会太厚，入口好松脆，咬开啲鸡肉劲嫩滑，而无骨更加系啖啖肉。食完呢个再食青辣椒蛋黄酱炸鸡，口感更加丰富。个酱汁真系超Juicy，食落咸香、带点酸酸地同微辣，入面仲有好多洋葱丝，捞埋啲酱一齐食真系好好味😋，两大盘嘅炸鸡份量好多。上次食有骨炸鸡勉强清晒。所以大家知道性价比几高。海鲜炸酱面$198呢碟嘢上枱真系吓亲😱，巨大碟，味道方面都唔错，个酱汁系浓郁香甜嘅海鲜炸酱味，用料方面都好丰富，有蚬肉、虾肉🍤、鱿鱼🦑、八爪鱼🐙、洋葱🧅、猪肉粒、薯仔🥔及青瓜🥒。个份量真系够晒三至四个人食。最后食炸鸡点少得冻饮🥤，点咗柑橘🍊汁同白桃汁🍑。